جاپونيادا ءوتىپ جاتقان ازيا ويىندارىندا 86 كەلىدەن جوعارى سالماق دارەجەسىندە سىنعا تۇسكەن قازاقستاندىق اۋىر اتلەتشى ليۋبوۆ كوۆالچۋك تۇعىرعا ءبىر قادام جەتپەي توقتادى. وسىلايشا ەلىمىزدىڭ اۋىر اتلەتتەرى تۋرنيردەگى ونەرىن ءتامامدادى، دەپ حابارلايدى infohub.kz سايتى.
العاشقى جاتتىعۋدا قازاقستاندىق سپورتشى ەكىنشى ارەكەتىندە 115 كەلىنى باعىندىردى، الايدا 120 كەلى سالماقتاعى شتانگىنى كوتەرە المادى. ناتيجەسىندە جۇلقي كوتەرۋدە كوۆالچۋكتەن قىتايلىق لي ۆەنۆەن، وڭتۇستىك كورەيادان حەچجون پاك جانە كاتار وكىلى ۋيسال يحليف وزىپ كەتتى.
بۇل رەتتىلىك ەكىنشى جاتتىعۋدان كەيىن دە وزگەرگەن جوق. جۇلدەگەرلەر ۇشتىگى ءۇشىنشى ارەكەتتى بىردەي ءساتسىز ورىندادى، ال كوۆالچۋك ونى پايدالاندى. ءبىراق 152 كەلىنى يتەرىپ كوتەرگەنىمەن، ول ءتورتىنشى ورىندا قالدى.
ازيا ويىندارى-2026
29 قىركۇيەك. اۋىر اتلەتيكا. ايەلدەر. 86 كەلىدەن جوعارى
🥇 1. لي ۆەنۆەن (جۇڭگو) – 310 (140+170)
🥈 2. حەچجون پاك (وڭتۇستىك كورەيا) – 300 (133+167)
🥉 3. ۋيسال يحليف (كاتار) – 273 (120+153)
4. ليۋبوۆ كوۆالچۋك (قازاقستان) – 267 (115+152)
قازاقستاندىق اۋىر اتلەتتەر ازيادا تاريحىنداعى مەدال سانى بويىنشا التىنشى ورىندا تۇر. التىن مەدالداردى ءار جىلدارى اندرەي ماكاروۆ (1994، 1998)، يليا يلين (2006، 2010)، سەرگەي كوپىتوۆ (1994)، ۆياچەسلاۆ نيۋ (1994)، باقىت احمەتوۆ (2002)، سەرگەي فيليمونوۆ (2002)، ۆياچەسلاۆ ەرشوۆ (2006)، ماييا مانەزا (2010)، سۆەتلانا پودوبەدوۆا (2010) جانە مارگاريتا ەليسەەۆا (2014) جەڭىپ العان.
اياقتالىپ كەلە جاتقان ازيادا-2026 اۋىر اتلەتيكا تۋرنيرىندە قازاقستان قۇراماسى التىنسىز قالدى. كۇمىس مەدالداردى ايانات جۇماعالي (77 كگ)، الەكسەي چۋركين (85 كگ) جانە نۇرعيسا ادىلەت ۇلى (95 كگ) يەلەندى.
XX جازعى ازيا ويىندارى رەسمي تۇردە 19 قىركۇيەكتە اشىلدى جانە 4 قازاندا اياقتالادى. 45 ەلدىڭ سپورتشىلارى قاتىساتىن جارىستاردا 460 مەدال جيىنتىعى ساراپقا سالىنۋدا. ازيادا-2026-دا قازاقستان قۇراماسىنىڭ قۇرامىندا 35 سپورت تۇرىنەن 558 سپورتشى سىنعا تۇسۋدە.
ويىنداردىڭ ءبىرىنشى كۇنى قازاقستاندىقتار ءتورت التىن مەدال جەڭىپ الدى. ويىندار چەمپيوندارى اتانعاندار: ۆەلوشاباندوزدار ريناتا سۋلتانوۆا مەن الەكسەي لۋسەنكو، سونداي-اق كاراتەشىلەر جولامان بيگابىل مەن سوفيا بەرۋلسەۆا. قۇراما قورجىنىنا بەسىنشى التىندى مما سايىسكەرى ەركىنعالي بۇركىتالين قوستى. التىنشىسىن – ونىڭ ارالاس جەكپە-جەك كومانداسىنداعى سەرىگى قادىربەك شىنبايەۆ. 23 قىركۇيەكتە لۋسەنكو اي-2026-نىڭ ەكى دۇركىن چەمپيونى اتاندى. سەگىزىنشى جوعارى سىناقتاعى مەدالدى 24 قىركۇيەكتە ەرلەر اراسىنداعى جۇپ ەسكەكتى قايىقتار جارىسىندا ەسكەكشىلەر ۆلاديسلاۆ ياكوۆليەۆ پەن يۆان چەرنۋحين جەڭىپ الدى. توعىزىنشى التىن مەدالدى ءبىزدىڭ شپاگاشىلار كومانداسى يەلەندى.
ويىنداردىڭ توعىز كۇنىنەن كەيىن قازاقستان بەيرەسمي مەدال ەسەبىندە بەسىنشى ورىندا بولدى.