اقش تۇرمەسىندە وتىرعان ۆەنەسۋەلا پرەزيدەنتى نيكولاس مادۋرو ىشكى تۇراقتىلىق تانىتىپ، ءوزىن-وزى ۇستاي بىلۋدە. مۇنداي قورىتىندىعا پروفايلەر دەنيس داۆىدوۆ ۆەنەسۋەلالىق كوشباسشىنىڭ نەمەرەلەرىنە جىبەرگەن فوتوسۋرەتتەرىن تالداي كەلە كەلدى، دەپ حابارلايدى infohub.kz سايتى.
ماماننىڭ ايتۋىنشا، سۋرەتتەردە مادۋرو جيناقى ءارى سەنىمدى كورىنەدى. اتاپ ايتقاندا، پروفايلەر ونىڭ قالپى مەن دەنەسىنىڭ ورنالاسۋىنا نازار اۋدارىپ، قاتتى جۇيكە كەرنەۋىنىڭ بەلگىلەرى جوق ەكەنىن اتاپ ءوتتى.
«سەنىمدىلىك – باستى ءسوز»، – دەدى داۆىدوۆ.
ونىڭ باعالاۋىنشا، دەنە سالماعىنىڭ ءبولىنۋى جانە ساۋساقتاردىڭ V ءارپى تۇرىندەگى قيمىلى كورەرمەنگە ادەيى اسەر قالدىرۋعا ۇمتىلىستان گورى ىشكى توزىمدىلىكتى كورسەتۋگە كوبىرەك دالەل.
سونىمەن قاتار، اقش تۇرمەسىندەگى العاشقى فوتوسۋرەتتەردە مادۋرو ايتارلىقتاي ارىقتاعان كورىنگەن. ونىڭ Telegram-ارناسىندا جاريالانعان ءبىر سۋرەتتە ساياساتكەر سۇر سپورتتىق كوستيۋمدە ءتۇسىپ، ك ۇلىمسىرەپ تۇرعان.
پروفايلەر فوتوسۋرەتتەر بويىنشا پسيحولوگيالىق جاعدايدى باعالاۋدىڭ شەكتەۋلى ەكەنىن جانە سۋرەتتەردىڭ تۇسىرىلگەن جاعدايلارىنا بايلانىستى ەكەنىن اتاپ ءوتتى.
3 قاڭتاردا اقش ۆەنەسۋەلاعا ءبىرقاتار سوققى جاساپ، مادۋرو مەن ونىڭ جۇبايىن تۇتقىندادى. ۇستالعان ساياساتكەر نيۋ-يورككە جەتكىزىلىپ، وعان ەسىرتكى تەرروريزمى جانە باسقا دا قىلمىستار بويىنشا ايىپ تاعىلدى. 5 قاڭتاردا مادۋرو ءىسى بويىنشا العاشقى سوت وتىرىسى ءوتىپ، ونىڭ قاماۋدا قالدىرۋ تۋرالى شەشىم شىعارىلدى.