حابيب نۇرماگومەدوۆ پەن يسلام ماحاچيەۆ كومانداسىنان رەسەيلىك مما فايتەرى ماگومەد زاينۋكوۆ UFC-دەگى العاشقى جەكپە-جەگىندە سەنىمدى جەڭىسكە جەتتى، دەپ حابارلايدى infohub.kz.
31 جاستاعى سپورتشى ابۋ-دابيدەگى (ءباا) Fight Night سەرياسى ءتۋرنيرىنىڭ نەگىزگى كاردىندا ونەر كورسەتتى. جەڭىل سالماقتاعى (70،3 كەلىگە دەيىن) ونىڭ قارسىلاسى تاعى ءبىر UFC دەبيۋتانتى — پولياك داميان جەپەسكي بولدى.
جەكپە-جەك ءۇش راۋندقا سوزىلدى. زاينۋكوۆ كەزدەسۋ بارىسىندا ۇستەمدىك ەتىپ، ءۇش تورەشىنىڭ ءبىراۋىزدان (30:27) شەشىمىمەن جەڭىسكە جەتتى.
«چانكو» لاقاپ اتىمەن بەلگىلى زاينۋكوۆ كاسىبي مما مانسابىندا توعىز جەكپە-جەكتە توعىز جەڭىسكە جەتتى. 24 جاستاعى جەپەسكي ءۇشىن بۇل جەڭىلىس مانسابىنداعى العاشقىسى بولدى — ونىڭ ەنشىسىندە ون جەڭىس بار.
نەگىزگى كاردتىڭ تاعى ءبىر جەكپە-جەگىندە حابيب كومانداسىنىڭ تاعى ءبىر وكىلى سايگيد يزاگاحمايەۆ دەبيۋت جاسادى. رەسەيلىك فايتەر جارتىلاي ورتا سالماقتاعى (77،1 كەلىگە دەيىن) كەزدەسۋدە حامزات چيمايەۆ كومانداسىنان ابۋباكار ۆاگاەۆقا قارسى شىعىپ، تورەشىلەردىڭ ءبىراۋىزدان (29:28) شەشىمىمەن جەڭىلىپ قالدى.