مايرا مەلدەبەكوۆا قازاقستاننىڭ وقۋ-اعارتۋ ءبىرىنشى ۆيسە-مينيسترى قىزمەتىنەن بوساتىلدى، دەپ حابارلايدى infohub.kz.
ءتيىستى ۇكىمەت قاۋلىسى primeminister.kz سايتىندا جاريالاندى. قۇجاتتا: «قازاقستان رەسپۋبليكاسى ۇكىمەتىنىڭ قاۋلىسىمەن مەلدەبەكوۆا مايرا تۇرعانباي قىزى قازاقستان رەسپۋبليكاسى وقۋ-اعارتۋ ءبىرىنشى ۆيسە-مينيسترى قىزمەتىنەن بوساتىلدى» دەلىنگەن.
مەلدەبەكوۆا بۇل قىزمەتتى 2025 جىلدىڭ مامىر ايىنان باستاپ اتقارعان. ول 1971 جىلى دۇنيەگە كەلگەن، اباي اتىنداعى الماتى مەملەكەتتىك ۋنيۆەرسيتەتى مەن قورقىت اتا اتىنداعى قىزىلوردا مەملەكەتتىك ۋنيۆەرسيتەتىن بىتىرگەن. 1993–2005 جىلدارى شىمكەنت، الماتى جانە شىعىس قازاقستان وبلىستارىنىڭ ورتا مەكتەپتەرىندە ماتەماتيكا جانە ينفورماتيكا ءپانىنىڭ ءمۇعالىمى بولىپ جۇمىس ىستەگەن. 2005–2018 جىلدارى ق ر ءبىلىم جانە عىلىم مينيسترلىگى جۇيەسىندە باسشىلىق قىزمەتتەر اتقارعان. 2018–2020 جىلدارى قىزىلوردا وبلىسىنىڭ ءبىلىم باسقارماسىنىڭ باسشىسى، 2020–2021 جىلدارى ق ر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى، 2021–2022 جىلدارى ق ر ءبىلىم جانە عىلىم مينيسترلىگىنىڭ ءبىلىم سالاسىنداعى ساپانى قامتاماسىز ەتۋ كوميتەتى ءتوراعاسىنىڭ ورىنباسارى، 2022–2025 جىلدارى ق ر وقۋ-اعارتۋ مينيسترلىگىنىڭ ءبىلىم سالاسىنداعى ساپانى قامتاماسىز ەتۋ كوميتەتى ءتوراعاسىنىڭ ورىنباسارى بولعان.