استانادا وتكەن جالپى قالالىق سەنبىلىككە ءماجىلىس دەپۋتاتتارى مەن پالاتا اپپاراتىنىڭ قىزمەتكەرلەرى قاتىستى. ءىس-شارا ەلوردالىق اكىمدىك تاراپىنان جالپىۇلتتىق «تازا قازاقستان» ەكولوگيالىق اكسياسى اياسىندا ۇيىمداستىرىلدى. دەپۋتاتتار قالالىق ساياباقتاردىڭ بىرىندە قاراعاي كوشەتتەرىن وتىرعىزدى.
ءماجىلىس ءتوراعاسى ەرلان قوشانوۆ «تازا قازاقستان» جوباسىنىڭ مەملەكەت باسشىسى قاسىم-جومارت توقاەۆتىڭ باستاماسىمەن قولعا الىنعانىن اتاپ ءوتىپ، بۇل اكسيانىڭ ەل كولەمىندە ناعىز قوعامدىق قوزعالىسقا اينالعانىن ايتتى. ونىڭ ايتۋىنشا، جوبانىڭ ماقساتى — اۋماقتاردى تازالاپ قانا قويماي، قوعامدا ەكولوگيالىق تۇرمىس سالتىن قالىپتاستىرۋ.
قالانى كوگالداندىرۋعا باعىتتالعان «جاسىل ايماق» ناۋقانى استانادا تابىستى جۇزەگە اسىرىلۋدا.