فرانسيا پرەزيدەنتى ەممانۋەل ماكروننىڭ ايتۋىنشا، ەلدەگى جاپپاي ورمان ورتتەرىنە بايلانىستى جاعداي ەكىنشى دۇنيەجۇزىلىك سوعىستان بەرگى ەڭ اۋىر كەزەڭ بولىپ وتىر. ورتپەن مىڭداعان ادام كۇرەسۋدە، دەپ حابارلايدى infohub.kz.
«ءبىز بۇرىن-سوڭدى بولماعان ورتكە تاپ بولدىق. قازىرگى جاعداي – تىركەلگەندەردىڭ ىشىندەگى ەڭ اۋىرى، ەكىنشى دۇنيەجۇزىلىك سوعىستان بەرگى ەڭ اۋىر كەزەڭ»، – دەدى ماكرون بوردو قالاسىندا. ول فرانسۋزداردى بىرلىككە شاقىرىپ، الداعى اپتالاردىڭ قيىن بولاتىنىن ەسكەرتتى. سونداي-اق ماكرون كليماتتىڭ وزگەرۋىن ەسكەرە وتىرىپ، ورمانداردى قالپىنا كەلتىرۋ قاجەتتىگىن ايتتى.
قازىرگى ۋاقىتتا ءورت سوندىرۋگە 2،7 مىڭ ءورت ءسوندىرۋشى، 1،5 مىڭ اسكەري قىزمەتشى، 1،4 مىڭ ىشكى قاۋىپسىزدىك قىزمەتكەرى جانە 18 اۋە كەمەسى جۇمىلدىرىلعان. 88 ءورت ءسوندىرۋشى زارداپ شەكتى، حالىق اراسىندا قازا تاپقاندار جوق. 240 ءۇي قيراعان. ءورت شارپىعان اۋماقتىڭ كولەمى 115 مىڭ گەكتارعا جەتتى.