مالاۆي پوليسياسى ەلدىڭ باستى قالاسى بلانتايردا بريتاندىق ازاماتشانى ۇرلاپ اكەتۋ وقيعاسىن تەرگەپ جاتىر. 47 جاستاعى نۋسرات وسماندى جەرگىلىكتى ۋاقىتپەن جۇما كۇنى شامامەن 12:30-دا سۇر ءتۇستى Nissan Dualis كولىگىمەن كەلگەن ءتورت ەر ادام الىپ كەتكەن. بۇل تۋرالى پوليسيا مالىمدەمەسىندە ايتىلعان، دەپ حابارلايدى infohub.kz سايتى.
ەكى جاس بالانىڭ اناسىن قۇتقارۋعا جانە كىنالىلەردى جاۋاپقا تارتۋعا كومەكتەسەتىن «نانىمدى اقپارات» ءۇشىن بيلىك 17 مىڭ دوللاردان استام (12 600 فۋنت) سىياقى ۋادە ەتتى.
وسمان جەرگىلىكتى اۋديت كومپانياسىندا جۇمىس ىستەگەنى حابارلاندى.
ءمالاۆيدىڭ ءبىر باسىلىمى وسماننىڭ جۇبايى ايەلىنىڭ جوعالۋىنا قاتتى قايعىرىپ وتىرعانىن جازدى. «ونىڭ قايدا ەكەنىن، جاعدايى قانداي ەكەنىن بىلمەيمىن. ايەلىم — اۋديتور، مەنىڭ ەشكىممەن ەشبىر ماسەلەم جوق»، — دەگەن ول Nyasa Times باسىلىمىنا بەرگەن سۇحباتىندا.
پوليسيا ۇرلاۋدىڭ سەبەبىن ازىرگە انىقتاي الماي وتىر، قىلمىسكەرلەر جابىرلەنۋشىنىڭ وتباسىمەن دە، بيلىكپەن دە بايلانىسقا شىقپاعان.
BBC News ۇلىبريتانيانىڭ سىرتقى ىستەر مينيسترلىگىنەن پىكىر سۇراپ ۇلگەردى.