ساباقتىڭ تاقىرىبى: ماماندىقتار الەمىندە
ساباقتىڭ ماقساتى:
بىلىمدىلىك – بۇل تاقىرىپ ماماندىق تاڭداۋدا جاۋاپكەرشىلىكتى قالىپتاستىرۋعا، ماماندىقتار جونىندە مالىمەتتەرمەن بولىسۋگە، ەڭبەك نارىعىندا ەندى عانا پايدا بولعان ماماندىقتار جونىندە ماعلۇمات بەرۋگە كومەكتەسەدى؛
دامىتۋشىلىق – سوزدىك قورلارىن بايىتۋ، وي - پىكىرىن ايتا بىلۋگە ۇيرەتۋ، پانگە دەگەن قىزىعۋشىلىعىن ارتتىرۋ؛
تاربيەلىك: ەڭبەككە باۋلۋ، مەيىرىمدىلىككە، ادامگەرشىلىككە تاربيەلەۋ.
ءتۇرى: جاڭا ساباق.
كورنەكىلىك: تاقتا، كەستە، گەومەتريالىق فيگۋرالار.
ساباقتىڭ بارىسى.
ءى. ۇيىمداستىرۋ
ا) كەزەكشىمەن سۇحبات (سىنىپتى تۇگەندەۋ).
ءا) وقۋشىلارمەن سۇحبات (تىلدىك ورتاعا ەنۋ).
- ءقازىر جىلدىڭ قاي مەزگىلى؟
- كوكتەمدە اۋا رايى قانداي بولادى؟
- بۇگىن اۋا رايى قانداي؟
- بۇگىن سەندەردە نەشە ساباق بولادى؟
- كوڭىل كۇيلەرىڭ قالاي؟
ءىى. جاڭا ساباققا كىرىسپە
– بالالار، بۇگىن ساباقتىڭ تاقىرىبى: ماماندىقتار الەمىندە.
ساباقتىڭ ماقساتىن حابارلاۋ.
1. توپتارعا ءبولىنىپ الايىق. مىنا جەرگە كەلىپ، گەومەتريالىق فيگۋرالاردى تاڭداپ
الىڭدار (شەڭبەر، شارشى، ءۇشبۇرىش، يرەك).
ەندى ۇقساس فيگۋرالار ءبىر توپقا توپتاسادى.
2. الدارىڭدا باعالاۋ پاراقتارى جاتىر. باعالاۋ ولشەمدەرىن ءبىز سەندەرمەن بىرلەسە
وتىرىپ، شىعارامىز.
جۇمىس «3»- كە باعالانادى:
وقۋشى بەلسەندى قاتىسپاي، ءالسىن - ءالسىن جۇمىسقا ارالاسسا؛
1 - 2 سويلەم عانا قۇراي السا؛
لەكسيكالىق قورى ناشار بولسا.
جۇمىس «4»- كە باعالانادى:
كەيدە عانا كومەك سۇراپ، ساباققا بەلسەندى قاتىسىپ وتىرسا؛
4 - 5 سويلەم عانا قۇراي السا؛
لەكسيكالىق قورى جاقسى بولسا.
جۇمىس «5»- كە باعالانادى:
توپتا وتە بەلسەندى بولسا؛
بەرىلگەن تاقىرىپقا 7 - 8 سويلەم قۇراي السا؛
لەكسيكالىق قورى وتە اۋقىمدى بولسا.
ءىىى. جاڭا ساباق
1. قىزىعۋشىلىقتى وياتۋ. تىرەك سوزدەرمەن سويلەم قۇراۋ ستراتەگياسى
ينتەراكتيۆتىك تاقتاعا «ماماندىق، الەم، قىزىقتى، تاڭدادىم» سوزدەرى جازىلادى.
وقۋشىلار توپ ىشىندە بىرلەسىپ، سويلەمدەر قۇراۋى ءتيىس. ەڭ قۇندى سويلەمدەر وقىلادى.
2. ماعىنانى اجىراتۋ. «شىعارماشىلىق ماتريسا» ستراتەگياسى. وقۋشىلارعا كەستە
بەرىلەدى. وقۋشىلار توپتا بىرلەسىپ، قالاعان ماماندىقتاردى جازىپ سالىستىرۋلارى كەرەك.
«شىعارماشىلىق ماتريسا» ستراتەگياسى
ماماندىقتار
جاقسى جاقتارى
جامان جاقتارى

3. وي تولعانىس
ا) «روندەل» ستراتەگياسى. توپتا بىرلەسىپ، ماماندىق الەمىندە تاقىرىبىنا ولەڭ
شىعارۋ. روندەل فرانسۋز ءسوزى، 2؛ 4؛ 7 تارماقتارى قايتالانادى.
ءبىر وي قايتالانىپ، مازا بەرمەيتىندەي بولادى.
مىسالى:
1. ماماندىق ءارتۇرلى
2. قايسىسىن تاڭدايىن؟
3. ءمۇعالىم، دارىگەر....
4. قايسىسىن تاڭدايىن؟
5. ءبارى دە قىزىقتى
6. ءبارى دە تارتىمدى
7. قايسىسىن تاڭدايىن؟
8. ايتشى، جۇرەگىم!

ءا) ديالوگتى تولىقتىرۋ، ءوزارا سويلەسۋ، شاعىن اڭگىمە قۇرۋ
مەن.... بولعىم كەلەدى.
ول نە ىستەيدى؟
ول قايدا جۇمىس ىستەيدى؟
جاقسى مامان بولۋ ءۇشىن نە ىستەۋ كەرەك؟

ءىV. رەفلەكسيا «قوسجازبا كۇندەلىگى» ستراتەگياسى بويىنشا وتەدى.
وقۋشىلار بەرىلگەن كەستەنى تولتىرادى.

مەن جاقسى بىلگەنىمدى قايتالادىم مەن جاڭادان ءبىلدىم
V. ءۇي جۇمىسى «مەنىڭ وتباسىمنىڭ ماماندىعى» اتتى شاعىن اڭگىمە جازىپ كەلۋ.
كەلەسى ساباقتا «اۆتور ورىندىعىندا» وقۋ.
VI. باعالاۋ. ولشەمدەر بويىنشا وقۋشىلار وزدەرىن باعالايدى.