مانەر كەرەك سوزگە دە

«مانەر كەرەك سوزگە دە» مانەرلەپ وقۋ سايىسى

ماقساتى: وقۋشىلاردى كوپشىلىك الدىندا ەركىن سويلەۋگە، ءوز ءبىلىمىن كوتەرۋگە شىعارماشىلىقپەن جۇمىس ىستەۋگە ۇيرەتۋ.
وقۋشىلاردىڭ وي - ءورىسىن، دۇنيەتانىمىن كەڭەيتۋ، سوزدىك قورىن مولايتۋ، جۇرت الدىندا ەركىن اۋىز ەكى سويلەۋگە باۋلۋ.

قۇرمەتتى ۇستازدار مەن وقۋشىلار ءبىز بۇگىن 4 سىنىپتار اراسىندا ءوتىپ جاتقان «مانەر كەرەك سوزگە دە» مانەرلەپ وقۋ سايىسىنا قوش كەلدىڭىزدەر. وسى سايىسىمىزدى باستاماس بۇرىن قازىلار القاسىن سايلاپ الايىق.

ەندى ورتاعا سايىسقا قاتىسۋشىلاردى شاقىرامىن.
ءى. ساۋالناما:
• سەنىڭ ءاتى-جونىڭ كىم؟
• سەنىڭ جاسىڭ نەشەدە؟
• سەنىڭ ەلىڭ ياعني، رۋىڭ كىم؟
• انا ءتىلىڭ - قاي ءتىل؟
• جاتقا وقيتىن ولەڭنىڭ تاقىرىبى، اۆتورى؟

ءىى. بۇر بولىمدە بالالارعا وزدەرىنىڭ بىلەتىن تىيىم سوزدەرىن ايتۋعا 1 مينۋت ۋاقىت بەرىلەدى.
1. ۇلكەننىڭ ءسوزىن بولمە، جولىن كەسپە.
2. وشاققا سۋ قۇيما.
3. باس كيىممەن ويناما
4. اقتى توكپە
5. ءۇيدى اينالىپ جۇگىرمە

1. بوس بەسىكتى تەربەتپە.
2. مالدى تەپپە.
3. ءبۇيىرىڭدى تايانبا.
4. جەردى تايانبا.

1. ۇيگە قاراي اتپەن شاپپا.
2. كەشقۇرىم ۇيىقتاما.
3. ايعا قولىڭدى شوشايتپا.
4. ناندى باسپا.
5. تابانىڭدى تارتپا.
6. جايدان - جاي ۇھىلەمە.
7. كەندىرمەن بايلاما، جىڭعىلمەن ايداما.
8. كەندىرمەن بايلاساڭ، جىڭعىلمەن ايدالاسىڭ،

«مال بىتەر دەپ ويلاما».
1. سيىردى تەپپە، ءسۇتتى توكپە.
2. مالدى باسىنان ۇرما.
3. مالعا تەرىس مىنبە.

1. بوساعادا تۇرما.
2. قولىڭدى توبەڭە قويما.
3. تۇندە سۋعا بارما.
4. تاڭدايىڭدى تاقىلداتپا.
5. كىسىگە قاراپ ەسىنەمە.
6. تۇزدى باسپا.

ءىىى. وقۋشىلار وزدەرىنىڭ سۇيىكتى ولەڭدەرىن مانەرلەپ وقيدى.

ءادىل - قازىلار ءسوز سويلەيدى، ماداقتامالار بەرەدى.
ءمۇعالىم: ءتىل – ۇلتتىڭ جانى، حالىقتىعىنىڭ اسىل بەلگىسى، نامىسى، تىنىس - تىرشىلىگىنىڭ كوزى، اتا زاڭىمەن قورعالاتىن، ەركىندىگىنىڭ ءۇنى. ونى سەندەر دە قۇرمەتتەپ، قورعاي بىلىڭدەر. ىنتىماعى جاراسقان حالىقتاردىڭ بەسىگى بولعان شۋاقتى قازاقستاننىڭ باقىتتى دا پاراساتتى، ءبىلىمدى دە، ەڭبەكقور ۇل - قىزى بولىپ وسە بەرىڭدەر!