تاقىرىبى: «جانۋارلاردى جاقسى كورەمىن»
ماقساتى: وقۋشىلاردىڭ ەكپىندى دۇرىس قويا ءبىلۋ، وقۋ مانەرىن مەڭگەرۋ، داۋىستى ولەڭنىڭ وي - مازمۇنىنا ساي باياۋ، جىگەرلى وقۋ نەمەسە تىلەك، سۇراق، كوڭىل كۇيدى كوتەرىڭكى ۇندە وقي ءبىلۋ ماشىقتارىن بايقاۋ، باعالاۋ.
بالالاردىڭ دۇنيەتانىمىن دامىتۋ، ولەڭ سوزگە دەگەن قىزىعۋشىلىقتارىن ارتتىرۋ. سويلەۋ مادەنيەتىن قالىپتاستىرۋ.
جانۋارلاردى قورعاۋعا، ولارعا قامقور بولا بىلۋگە تاربيەلەۋ.

ساباققا قاجەت قۇرال - جابدىقتار، كورنەكىلىكتەر: بالالار اقىن - جازۋشىلارىنىڭ كىتاپتارىنان كورمە، جان - جانۋارلاردىڭ سۋرەتتەرى، ناقىل سوزدەر.
سايىستىڭ بارىسى:
1 - جۇرگىزۋشى: - ارمىسىزدار كورەرمەن قاۋىم. باستاۋىش سىنىپتار اراسىندا
« جانۋارلاردى جاقسى كورەمىن» اتتى مانەرلەپ وقۋ سايىسىنا قوش كەلىپسىزدەر.
2 - جۇرگىزۋشى:
ەي، ولەڭ، قايتسەم ساعان جان بىتىرەم،
جانسىز ولەڭ جانىمدى الدى كىلەڭ.
ءبىر ويىم جۇرەگىمدە قازا بولىپ،
ءبىر ويىم كومەيىمدى قالدى تىرەپ،
ەي، ولەڭ، قايتسەم ساعان جان بىتىرەم
1 - جۇرگىزۋشى: الدىمەن بۇگىنگى مانەرلەپ وقۋ سايىسىنىڭ باستى ەرەجەلەرىنە توقتالىپ وتسەك،
1. اقىنداردىڭ ولەڭدەرىنەن تاقىرىپقا ساي ءبىر شىعارما بولۋ كەرەك.
2. ولەڭنىڭ تاقىرىبى ايقىن بولۋى شارت.
3. ولەڭ جاتقا ءارى مانەرلەپ وقىلۋعا ءتيىستى (ساحناعا كىتاپ نەمەسە قاعاز - پاراقشالارمەن شىعۋعا رۇقسات ەتىلمەيدى).
4. ولەڭ وقىعان وقۋشىنىڭ ءجۇرىس - تۇرىسىنا، ساحناداعى مادەنيەتىنە، داۋىس مانەرى مەن ىرعاعىنا نازار اۋدارىلادى.

2 - جۇرگىزۋشى:
ولاي بولسا، سايىستىڭ اتى سايىس دەمەكشى، ولەڭدەردى مانەرلەپ وقيتىن وقۋشىلارعا ءادىل باعاسىن بەرەتىن قازىلار القاسىمەن تانىستىرىپ قويعانىمىز ءجون بولار. سونىمەن،
1. مەكتەپ ديرەكتورىنىڭ وقۋ ءىسى جونىندەگى ورىنباسارى –
2. مەكتەپ كىتاپحاناشىسى –
3. كوورديناتور -

1 - جۇرگىزۋشى:- ەندىگى كەزەكتە سايىسكەرلەرمەن تانىس بولىڭىزدار
4 - سىنىپ وقۋشىلارى
-------------------------------
3 - سىنىپ وقۋشىلارى
-------------------------------
2 - سىنىپ وقۋشىلارى
-------------------------------
وقۋشىلار كەزەكپەن شىعىپ، دايىنداعان ولەڭدەرىن وقيدى.

1 - جۇرگىزۋشى:
جەڭىستەر مەن جەڭىلىستەن تۇراتىن،
ءومىر – كۇرەس، جەتكىزە مە مۇراتىن؟
جەڭبەدىم، جەڭىلدىم دەپ رەنجىمەگەن،
قاتىسۋ دا ءبىر جەڭىس، جان بولساڭ سەن ۇعاتىن
ەندى ورتاعا ءادىلقازىلار القاسىن شاقىرايىق، سايىستىڭ شەشىمىن وقيدى.

2 - جۇرگىزۋشى:
دەمەڭىزدەر ءبىز ونەردى اياپ قالدىق
مەزگىلدە ءبىراز جەرگە تاياپ قالدى.
قوش بولىپ تۇرىڭىزدار كورىسكەنشە
وسىمەنەن بايقاۋىمىز اياقتالدى!
نازارلارىڭىزعا كوپ راحمەت!