قازاقستان رەسپۋبليكاسى قورعانىس مينيسترلىگى ماڭعىستاۋ وبلىسىندا كاسپي تەڭىزى جاعالاۋىندا وتكەن اسكەري-تەڭىز كۇشتەرىنىڭ وقۋ-جاتتىعۋى كەزىندە قازا تاپقان اسكەري قىزمەتشىلەردىڭ ءتىزىمىن جاريالادى. تىزىمگە دەنەلەرى تابىلىپ، قازاسى رەسمي راستالعان 11 ماتروس پەن ءبىر اعا لەيتەنانت ەندى، دەپ حابارلايدى infohub.kz سايتى.

«قازاقستان رەسپۋبليكاسى قورعانىس مينيسترلىگى مەن قارۋلى كۇشتەرىنىڭ جەكە قۇرامى ماڭعىستاۋ وبلىسىنداعى وقۋ-جاتتىعۋ كەزىندە قازا تاپقان اسكەري قىزمەتشىلەردىڭ تۋعان-تۋىستارىنا قايعىرىپ كوڭىل ايتادى»، — دەلىنگەن قورعانىس ۆەدومستۆوسىنىڭ حابارلاماسىندا.

Lada.kz باسىلىمى ماڭعىستاۋ وبلىسىنداعى شتاب جۇمىسى ورنىندا جاريالانعان قازا تاپقانداردىڭ ءتىزىمىن تۇرعىلىقتى جەرلەرىمەن بىرگە كەلتىردى.

ماديحان ازامات بولاتبەك ۇلى، 10.06.2007 جىلى تۋعان، ماڭعىستاۋ وبلىسىنىڭ تۋماسى، جاڭاوزەندە تۇرعان.

تولەگەن اقىلبەك قابەن ۇلى، 11.02.2007 جىلى تۋعان، ماڭعىستاۋ وبلىسىنىڭ تۋماسى، جارمىش اۋىلىندا تۇرعان.

بەرديحانوۆ مەيرامبەك ەرمۋحان ۇلى، 21.03.2006 جىلى تۋعان، ماڭعىستاۋ وبلىسىنىڭ تۋماسى، جاڭاوزەندە تۇرعان.

اياپبەرگەن سەرجان تالعات ۇلى، 18.02.2006 جىلى تۋعان، ماڭعىستاۋ وبلىسىنىڭ تۋماسى، اقتاۋدا تۇرعان.

مۇحتار ۇلى ولجاس، 09.01.2003 جىلى تۋعان، تۇركىستان وبلىسىنىڭ تۋماسى.

تەميرگالييەۆ جەنيس تىلەۋشەەۆيچ، 08.05.2005 جىلى تۋعان، باتىس قازاقستان وبلىسى، ءبورلى اۋدانىنىڭ تۋماسى.

كوبەنوۆ الماس جۋسيپۋلى، 23.01.2006 جىلى تۋعان، وزبەكستان رەسپۋبليكاسىنىڭ تۋماسى، باياندى-3 اۋىلىندا تۇرعان.

ءومىرزاق ومىربەك ءومىربولات ۇلى، 23.04.2007 جىلى تۋعان، باتىس قازاقستان وبلىسى، بايتەرەك اۋدانىنىڭ تۋماسى.

جاڭاباي اسەت سامات ۇلى، 19.09.2006 جىلى تۋعان، ماڭعىستاۋ وبلىسى، ماڭعىستاۋ اۋدانى، شەتپە اۋىلىنىڭ تۋماسى.

بەگەي داستان نۋربول ۇلى، 03.09.2007 جىلى تۋعان، ماڭعىستاۋ وبلىسى، جاڭاوزەن.

ديحانبايەۆ ولجاس تاجيباي ۇلى، 14.12.2005 جىلى تۋعان، ماڭعىستاۋ وبلىسى، جاڭاوزەن.

گيلاج اقجايىق بولاتبەت ۇلى، 15.09.2006 جىلى تۋعان، باتىس قازاقستان وبلىسى، ورال.

اپات 24 قىركۇيەكتە ماڭعىستاۋ وبلىسىندا قازاقستان رەسپۋبليكاسى قارۋلى كۇشتەرىنىڭ اسكەري-تەڭىز كۇشتەرىنىڭ وقۋ-جاتتىعۋى كەزىندە بولدى. كاسپي تەڭىزى جاعالاۋىندا وقۋ-جاۋىنگەرلىك تاپسىرمانى ورىنداۋ بارىسىندا اۋا رايىنىڭ كۇرت ناشارلاۋى مەن جەلدىڭ كۇشەيۋى سالدارىنان اسكەري قىزمەتشىلەردى تەڭىزگە اعىزىپ اكەتتى.

العاشىندا تەڭىزگە 19 اسكەري قىزمەتشى اعىزىلىپ كەتكەنى حابارلاندى. سول كەزدە 9 اسكەري قىزمەتشىنىڭ قازا تاپقانى تىركەلدى. باس پروكۋراتۋرا اقتاۋ گارنيزونىندا قىلمىستىق ءىس قوزعالىپ، تەرگەلىپ جاتقانىن مالىمدەدى.

اسكەري قىزمەتشىلەر قازا تاپقاننان كەيىن ۇكىمەتتىك كوميسسيا قۇرىلىپ، توتەنشە وقيعا ورنىنا پرەمەر-مينيستردىڭ ورىنباسارى قانات بوزىمبايەۆ جىبەرىلدى. قازاقستان پرەزيدەنتى قاسىم-جومارت توقايەۆ ماڭعىستاۋ وبلىسىندا اسكەري قىزمەتشىلەردىڭ قازا تابۋىنا بايلانىستى كوڭىل ايتىپ، اپاتتى تەرگەۋ جونىندە تاپسىرمالار بەردى.

اقتاۋدا قالا كۇنىنە وراي مەرەكەلىك ءىس-شارالار توقتاتىلدى. قاسىم-جومارت توقايەۆ 25 قىركۇيەكتى قازاقستاندا جالپىۇلتتىق ازا تۇتۋ كۇنى دەپ جاريالادى.

24 قىركۇيەك كەشىندە پرەمەر-مينيستردىڭ ورىنباسارى قانات بوزىمباەۆتىڭ باسشىلىعىمەن كوميسسيا ماڭعىستاۋ وبلىسىنا كەلدى. كاسپي تەڭىزىندەگى وقۋ-جاتتىعۋ كەزىندە قازا تاپقانداردىڭ تۋعان-تۋىستارى اقتاۋداعى ءمايىتحاناعا دەنەلەردى تانۋ ءۇشىن كەلدى.

24 قىركۇيەك كەشىندە ناقتىلانعان دەرەكتەر بەلگىلى بولدى. تەڭىزگە 17 ادام اعىزىلىپ كەتتى، ولاردىڭ 12ء-سى قازا تاپتى، ۇشەۋىن قۇتقارۋ مۇمكىن بولدى. قالعان ەكى اسكەري قىزمەتشىنى ىزدەۋ جالعاسۋدا.