ماڭعىستاۋ وبلىسىندا بالا ىستالعان بالىقتان ۋلانىپ، جانساقتاۋ بولىمىندە جاتىر. دارىگەرلەر ونىڭ جاعدايىن اۋىر دەپ باعالاپ، ەمدەۋدى جالعاستىرىپ جاتىر، دەپ حابارلايدى infohub.kz سايتى.
بالا كوپبەيىندى بالالار اۋرۋحاناسىنىڭ ماماندارىنىڭ باقىلاۋىندا. اۋرۋحاناعا تۇسكەننەن كەيىن وعان ءبوتۋليزمنىڭ اۋىر ءتۇرى جانە ينفەكسيالىق-توكسيكالىق شوك دياگنوزى قويىلدى. جاس پاسيەنتكە قارسى بوتۋليندىك سارىسۋ ەگىلدى.
مامانداردىڭ ايتۋىنشا، كۇن سايىن كونسيليۋم وتكىزىلىپ، ەلىمىزدىڭ باسقا وڭىرلەرىندەگى دارىگەرلەرمەن تەلەكونسۋلتاسيالار ۇيىمداستىرىلعان.
«بالا بىزگە ءبوتۋليزمنىڭ اۋىر تۇرىمەن، ينفەكسيالىق-توكسيكالىق شوك كۇيىندە ءتۇستى. ول ەس-تۇسسىز جاتتى، رەفلەكستەرى جوق ەدى. ونى شۇعىل تۇردە جانساقتاۋ بولىمىنە جات قىزىپ، وكپەنى جاساندى جەلدەتۋ اپپاراتىنا قوستىق. قازىرگى تاڭدا بالا قاجەتتى ەمنىڭ بارلىعىن الىپ جاتىر»، — دەدى كوپبەيىندى بالالار اۋرۋحاناسى ديرەكتورىنىڭ ورىنباسارى ءاليا يشيموۆا.
استانادان رەانيماتولوگ، ينفەكسيونيست جانە نەۆروپاتولوگ شاقىرىلدى. احۋال وبلىس اكىمىنىڭ جەكە باقىلاۋىندا.
«ءبىزدىڭ دارىگەرلەر قولدان كەلگەننىڭ ءبارىن جاساپ جاتىر. ولار استاناداعى ماماندارمەن ونلاين-كونسۋلتاسيادا. اتا-اناسى استانالىق دارىگەرلەردىڭ كەلىپ، بالانى تەكسەرۋىن سۇرادى. جاقىن ارادا ينفەكسيونيست پەن رەانيماتولوگ اقتاۋعا ۇشىپ كەلۋى ءتيىس. دارىگەرلەر ءقازىردىڭ وزىندە وسىندا كەلە جاتىر»، — دەدى ماڭعىستاۋ وبلىسىنىڭ اكىمى نۇرداۋلەت قيلىباي.
بۇعان دەيىن ءبىز ماڭعىستاۋدا وتباسىلىق داستارقان جانساقتاۋ بولىمىمەن اياقتالعانىن حابارلاعان بولاتىنبىز.