اۋىر بوتۋليزممەن رەانيماسيادا جاتقان 9 جاستاعى بالانىڭ تۋىستارى شاعىمدانعان سوڭ، ماڭعىستاۋ وبلىسىنا استانادان ماماندار جىبەرىلدى، دەپ حابارلايدى infohub.kz سايتى.
«ءبىزدىڭ دارىگەرلەر قولدارىنان كەلگەننىڭ ءبارىن جاساپ جاتىر، استانامەن ونلاين كەڭەسىپ وتىر. تۋىستارى استانادان دارىگەرلەر كەلسىن دەگەن ماسەلەنى كوتەردى. ەڭ جاقىن رەيسپەن ينفەكسيونيست پەن رەانيماتولوگ ۇشىپ كەلەدى»، — دەدى وبلىس اكىمى نۇرداۋلەت قيلىباي.
بۇعان دەيىن Kursiv جازعانداي، بالانىڭ تۋىستارى اكىمگە جانە وبلىستىق دەنساۋلىق ساقتاۋ باسقارماسىنىڭ باسشىلىعىنا جۇگىنگەن. ولار بالا ءتورتىنشى كۇن اۋىر حالدە جاتقاندىقتان، اقتاۋعا رەسپۋبليكالىق دەڭگەيدەگى دارىگەرلەردى جىبەرۋدى سۇراعان.
«بالاعا تولىققاندى مەديسينالىق كومەك كورسەتۋ قاجەت، جوعارى بىلىكتى مامانداردىڭ كەڭەسى كەرەك دەپ ەسەپتەيمىز»، — دەلىنگەن وتىنىشتە.
ءۇش ەرەسەك ادام مەن 9 جاستاعى بالا داستارقان باسىنان كەيىن اۋرۋحاناعا جات قىزىلعان. ۋلانۋعا ءۇي جاعدايىندا دايىندالعان سۋىق ىستالعان بالىق سەبەپ بولۋى مۇمكىن.
بارلىق ناۋقاستا اۋىر بوتۋليزم بەلگىلەرى انىقتالىپ، ولار ءجوا اپپاراتتارىنا قوسىلدى جانە ولارعا قارسى بوتۋليندىك سارىسۋ ەنگىزىلدى.
ناۋقاستاردىڭ جاعدايى ءالى دە اۋىر دەپ باعالانىپ وتىر. بالا ينفەكسيالىق-توكسيكالىق شوك كۇيىندە تۇسكەن جانە ءالى كۇنگە دەيىن ەسىن بىلمەي جاتىر.
ءقازىر استانالىق ماماندار ناۋقاستاردى تەكسەرىپ، جەرگىلىكتى دارىگەرلەرمەن بىرگە ەمدەۋ تاكتيكاسىن انىقتاۋى ءتيىس.
بوتۋليزم مەن تاعامدىق ۋلانۋدان قالاي قورعانۋعا بولادى — Kursiv Health ماقالاسىنان وقىڭىز.