ماڭعىستاۋ وبلىسىنىڭ باسشىلىعىندا كادرلىق وزگەرىستەر بولدى: ەربول ىزبەرگەنوۆ اكيمنىڭ ءبىرىنشى ورىنباسارى، ال بەكبول ورىنباساروۆ وبلىس اكىمىنىڭ ورىنباسارى قىزمەتىنە تاعايىندالدى. ءتيىستى وكىمدەر قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن قول قويىلدى، دەپ حابارلايدى infohub.kz سايتى.
ەربول كۋرەنتاي ۇلى ىزبەرگەنوۆ 1973 جىلى 11 تامىزدا ماڭعىستاۋ وبلىسى قاراقيا اۋدانىنىڭ قۇرىق اۋىلىندا دۇنيەگە كەلگەن. ەڭبەك جولىن 1991 جىلى «ماڭعىستاۋمۇنايگازبارلاۋ» كەشەندى ەكسپەديسياسىنىڭ قۇرىلىس-مونتاج ۋچاسكەسىندە قالاۋشى بولىپ باستادى.
ءار جىلدارى قۇرىلىس ۇيىمدارىندا، اقتاۋ قالاسىنىڭ اكىمدىگىندە جۇمىس ىستەپ، مۇنايلى اۋدانى اكىمىنىڭ ورىنباسارى جانە وبلىستىق قۇرىلىس باسقارماسىنىڭ باسشىسى بولدى. سونداي-اق قازاقستاننىڭ ينۆەستيسيالار جانە دامۋ مينيسترلىگىندە، دەنساۋلىق ساقتاۋ جانە الەۋمەتتىك دامۋ مينيسترلىگىندە باسشىلىق قىزمەتتەر اتقاردى.
2019–2020 جىلدارى «اقتاۋ تەڭىز پورتى» اەا» اق باسقارما ءتوراعاسىنىڭ ورىنباسارى بولىپ، كەيىن «اتامەكەن» كاسىپكەرلەردىڭ وڭىرلىك پالاتاسىن باسقاردى. 2020–2023 جىلدارى اقتاۋ اكىمىنىڭ ورىنباسارى جانە اكىمى قىزمەتتەرىن اتقاردى. 2024–2025 جىلدارى ماڭعىستاۋ وبلىسى اكىمىنىڭ ءبىرىنشى ورىنباسارى بولىپ، 2025 جىلعى 2 قىركۇيەكتەن باستاپ وبلىس اكىمىنىڭ ورىنباسارى قىزمەتىندە بولدى.
بەكبول تىلەۋمۇرات ۇلى ورىنباساروۆ 1971 جىلى 18 ماۋسىمدا ماڭعىستاۋ وبلىسىنىڭ ءتۇپقاراعان اۋدانىندا دۇنيەگە كەلگەن. ەڭبەك جولىن 1993 جىلى «باۋتينسكي» كەدەن بەكەتىنىڭ ينسپەكتورى بولىپ باستادى.
كەيىن بانك سالاسىندا، اقتاۋ قالاسىنىڭ اكىمدىگىندە جانە ءوڭىردىڭ مەملەكەتتىك ورگاندارىندا جۇمىس ىستەپ، قالا اكىمىنىڭ ورىنباسارى جانە اقتاۋ اكىمى اپپاراتىنىڭ باسشىسى قىزمەتتەرىن اتقاردى. 2006–2010 جىلدارى ەكونوميكا جانە بيۋدجەتتىك جوسپارلاۋ مينيسترلىگىندە جانە «قاسپي» اكك» اق-دا جۇمىس ىستەدى. 2010–2019 جىلدارى «وتىرار ەنەردجي» ج ش س مەن «اداي» ءجشس-ىن باسقاردى.
2020–2021 جىلدارى ورىنباساروۆ «اقتاۋ تەڭىز پورتى» اەا» اق باسقارما ءتوراعاسى، ال 2021–2023 جىلدارى ماڭعىستاۋ وبلىسى اكىمىنىڭ ورىنباسارى، كەيىن ءبىرىنشى ورىنباسارى بولدى. 2023–2026 جىلدارى قازاقستان پارلامەنتى سەناتىنىڭ VII جانە VIII شاقىرىلىمدارىنىڭ دەپۋتاتى بولىپ، قارجى جانە بيۋدجەت جونىندەگى تۇراقتى كوميتەتىنىڭ قۇرامىنا كىردى.