ماقال - ماتەلدىڭ باستاۋىش سىنىپ وقۋشىلارىنا تيگىزەتىن اسەرى.
باستاۋىش سىنىپ وقۋشىلارى ءۇشىن ماقال - ماتەلدىڭ تاربيەلىك ءمانى وتە زور. وقۋشىلار ساباقتا ماقال – ماتەلدىڭ ماعىناسىنا قاراي وتان سۇيگىشتىككە، ەڭبەكقورلىققا، اتا - انانى، دوستارىن قادىرلەۋدى، جاماننان جيرەنىپ، جاقسىنى ۇيرەنۋگە تاربيەلەنەدى. ساباقتا ماقال - ماتەل شاپشاڭدىققا، العىرلىققا، وي - ءورىسىن دامىتۋعا كومەكتەسەدى. ادەبيەتتىك وقۋ پانىنەن «وتان»تاراۋىن وتەر كەزدە وقۋشىلاردىڭ وتانعا دەگەن سۇيىسپەنشىلىگىن ارتتىرۋ ماقساتىندا وتان تۋرالى ماقالدار تاراتىپ پىكىر تالاس تۋدىرۋعا بالادى. مىسالى، وتانسىز ادام، ورمانسىز بۇلبۇل.
وتان - وتتان دا ىستىق.
ەل ءىشى التىن بەسىك.
ەردى ەل وسىرەدى،
جەردى گۇل وسىرەدى.
ەسىڭ بار دا ەلىن تاپ.
وتان ءۇشىن وتقا ءتۇس، كۇيمەيسىڭ.
ءوز ەلىم - ولەڭ توسەگىم.
ءوز ەلىڭ - تۇعىرىڭ، ءوز جەرىڭ – قىدىرىڭ.
تۋعان جەردەي جەر بولماس،
تۋعان ەلدەي ەل بولماس.
تۋعان جەردىڭ ءقادىرىڭ، شەتتە جۇرسەڭ بىلەرسىڭ.
كىسى ەلىندە سۇلتان بولعانشا، ءوز ەلىندە ۇلتان بول.
سوندىقتان ءسوزدىڭ سىرىن اشىپ، ماقالدىڭ ءمانىن ءبىلىپ، اسەرلى ادەمى سويلەۋ كەز كەلگەنگە جاراسادى.

پاۆلودار وبلىسى، قاچير اۋدانى،
قىزىلتاڭ جببوم باستاۋىش سىنىپ ءمۇعالىمى
ارىنگازينوۆا ك. س.