قازاقتىڭ بەلگىلى اقىنى، مەملەكەتتىك سىيلىقتىڭ يەگەرى مارفۋعا ايتقوجينا جاقىندا بەرگەن سۇحباتىندا ەلدىڭ بۇرىنعى باسشىسى نۇرسۇلتان نازارباەۆقا قاتىستى ەستەلىكتەرىمەن ءبولىستى. اقىن سول كەزدەرى نازارباەۆتى اسقاقتاتا جىرلاعان ارىپتەستەرى تۋرالى ايتتى.
بۇل تۋرالى Infohub.kz اقپارات اگەنتتىگى حابارلايدى.
نازارباەۆتى ماداقتاعان اقىندار
مارفۋعا ايتقوجينانىڭ ايتۋىنشا، سول ۋاقىتتا كەيبىر شىعارماشىلىق يەلەرى نازارباەۆقا ەرەكشە قۇرمەت كورسەتىپ، ونى ماداقتايتىن ولەڭدەر جازعان. اقىن ءتىپتى كەيبىرەۋلەرىنىڭ «ءسىز ءبىزدىڭ اسپانداعى كۇنىمىزسىز» دەپ ايتقانىن دا ەسكە الدى.
«نازارباەۆقا «ءسىز ءبىزدىڭ اسپانداعى كۇنىمىزسىز» دەپ ايتقان قىزدار دا بولدى. ولاردىڭ اتىن اتاپ قاجەتى جوق»، – دەدى اقىن سۇحباتىندا.
ايتقوجينا بۇل ارەكەتتەردى سول كەزدەگى جاعدايمەن بايلانىستىرىپ، ءوزىنىڭ بۇل پىكىرىن اشىق ايتۋدان تارتىنبادى. ول ءوزىنىڭ اقىندىق جولىندا ءارقاشان شىندىقتى ايتۋعا تىرىسقانىن جەتكىزدى.