2025 جىلى قازاقستاندىق ماركەتپلەيستەر بيۋدجەتكە 400 ملن دوللاردان استام سالىق اۋداردى. ونىڭ 266 ملن دوللارى Kaspi.kz ۇلەسىنە تيەسىلى — بۇل نارىقتاعى قالعان ويىنشىلاردىڭ بارلىعى بىرىگىپ تولەگەنىنەن دە كوپ. مۇنداي دەرەكتەر Fintech in Kazakhstan زەرتتەۋىندە كەلتىرىلگەن، دەپ حابارلايدى infohub.kz سايتى.
زەرتتەۋ ناتيجەلەرىن ۇلتتىق بانك ۇسىندى. ماتەريالدى بىرنەشە ءىرى اگەنتتىك پەن فينتەح-كومپانيا رەتتەۋشىنىڭ قولداۋىمەن دايىنداعان. الىنعان دەرەكتەرگە سايكەس، ەلەكتروندىق كوممەرسيانىڭ بولشەك ساۋدانىڭ جالپى كولەمىندەگى ۇلەسى 17%-عا جەتتى. سالىستىرساق، التى جىل بۇرىن بۇل كورسەتكىش نەبارى 3،7% ەدى.
ەلەكتروندىق ساۋدا نارىعىنىڭ 92%-ى ماركەتپلەيستەرگە تيەسىلى. ولاردان تۇسكەن سالىق تۇسىمدەرىنىڭ جالپى كولەمى 2025 جىلى 400 ملن دوللارعا جەتتى.
قازاقستاندىق الاڭدار مەن تانىمال شەتەلدىك ماركەتپلەيستەردىڭ قازاقستاندىق فيليالدارى اراسىندا كوش باستاپ تۇرعاندار:
Kaspi.kz – 265،7 ملن دوللار؛
Wildberries – 111 ملن دوللار؛
Ozon – 28،4 ملن دوللار؛
OLX – 5،9 ملن دوللار؛
Halyk Market – 1،8 ملن دوللار.
وسىلايشا، Kaspi.kz تولەگەن سالىق Wildberries-تەن 2،4 ەسە كوپ بولىپ، نارىقتاعى قالعان ءىرى ويىنشىلاردىڭ تولەمدەرىنىڭ جيىنتىق كولەمىنەن دە اسىپ ءتۇستى.
بۇعان دەيىن قازاقستاندىق سالىق ورگاندارى حابارلامالاردى ورىنداماعانى ءۇشىن ماركەتپلەيستەر مەن ينتەرنەت-الاڭدارداعى ساتۋشىلاردىڭ اككاۋنتتارىن تىكەلەي بۇعاتتاي الاتىنى حابارلانعان بولاتىن.