سولتۇستىك افريكاداعى يسپاندىق سەۋتا انكلاۆىنا ماروككودان 50 مىڭنان استام ادام ءجۇزىپ ءوتىپ جەتكەن. ولاردىڭ كوبى كەيىن ءوز ەركىمەن كەتكەن. بۇل تۋرالى infohub.kz سايتى حابارلايدى.
بريتاندىق BBC تەلەراديوكومپانياسىنىڭ دەرەگىنشە، ميگرانتتار شەكارانىڭ اشىلۋى تۋرالى قاۋەسەتتەرگە بايلانىستى تاۋەكەلگە بەل بۋعاندارىن ايتقان. بۇل قاۋەسەتتەر يسپانيا جوعارعى سوتىنىڭ شەشىمىنە نەگىزدەلگەن بولۋى مۇمكىن. شەشىم انكلاۆ بيلىگىنە تەڭىز ارقىلى سەۋتا مەن مەليلياعا (افريكا جاعالاۋىنداعى تاعى ءبىر يسپاندىق انكلاۆ) كىرگەندەردى ماروككوعا اۆتوماتتى تۇردە قايتارۋعا تىيىم سالادى. مۇنى قىلمىستىق توپتار پايدالانعان بولۋى ىقتيمال.
بۇعان دەيىن دە انكلاۆقا ءوتۋ ارەكەتتەرى بولعان، ءبىراق بۇل جولى ەڭ جاپپاي بولدى. يسپانيا بيلىگى بولعان وقيعانى باسىپ كىرۋ دەپ باعالاپ، انكلاۆقا اسكەر تارتتى. تارتىپسىزدىكتەر كەزىندە 57 ادام قازا تاپتى.
يتاليا يسپانيامەن شەكارادا ۋاقىتشا باقىلاۋ ەنگىزۋ مۇمكىندىگىن قاراستىرۋدا. بۇل باستامانى فينليانديا سىرتقى ىستەر مينيسترلىگى دە قولدايدى.
بۇعان دەيىن «كۋرسيۆ» باسىلىمى شەكارا بۇزىلعان سوڭ ماروككو مەن يسپانيا بارلىق زاڭسىز كىرگەن ادامداردى دەپورتاسيالاۋ تۋرالى شۇعىل كەلىسىم جاساسقانىن حابارلاعان.