ماروككولىق 200-گە جۋىق زاڭسىز ميگرانت يسپانيانىڭ سەۋتا انكلاۆىنداعى ترامپولين جاعاجايىنداعى ستيحيالىق لاگەردە باسپانا بەرۋدى تالاپ ەتىپ، نارازىلىق اكسياسىن وتكىزدى. بۇل تۋرالى infohub.kz سايتى حابارلايدى.
ريا نوۆوستي EFE اگەنتتىگىنە سىلتەمە جاساپ، نارازىلىق بىلدىرۋشىلەر ءوز تالاپتارىن قاتتى داۋىسپەن جەتكىزگەنىن حابارلايدى. RTVE تەلەارناسىنىڭ ءتىلشىسى حەسۋس ناۆاررو جاعاجاي ماڭىندا پوليسيا كەزەكشىلىك ەتىپ تۇرعانىن اتاپ ءوتتى.
سونىمەن قاتار، Espaniol گازەتىنىڭ دەرەكتەرىنە سايكەس، يسپانيا پوليسياسى شىلدە ايىنان بەرى سەۋتادا ميگراسيالىق داعدارىس اياسىندا جىنىستىق زورلىق-زومبىلىقتىڭ 15 جاعدايىن تىركەگەن. باسىلىمدا ايەلدەر مەن قىزدار ميگرانتتاردىڭ جاپپاي اعىنىنان تۋىنداعان تارتىپسىزدىك پەن قاۋىپسىزدىكتىڭ بولماۋى سالدارىنان زورلىق-زومبىلىققا ۇشىراپ جاتقانى اتاپ وتىلگەن. وسى قىلمىستار بويىنشا ەكى ادام ۇستالدى.
ەسكە سالايىق، 30-نان 31 شىلدەگە قاراعان ءتۇنى مىڭداعان ماروككولىق ميگرانت افريكانىڭ سولتۇستىگىندە ورنالاسقان يسپانيانىڭ سەۋتا انكلاۆىنداعى شەكارانى بۇزىپ وتكەن بولاتىن. يسپانيا بيلىگى اسكەردى جۇمىلدىرۋعا ءماجبۇر بولدى. جۇما كۇنى كەشكە قاراي ميگرانتتاردىڭ كوپشىلىگى سەۋتادان كەتىپ، ماروككوعا قايتىپ ورالدى. باستاپقىدا شەكارادان وتۋگە تىرىسقان كەزدە كەمىندە 57 ادام قازا تاپقانى، ولاردىڭ دەنەلەرى سۋدان الىنعانى حابارلانعان.
ماروككو ءىىم ميگرانتتاردىڭ باسىپ كىرۋىن شەكاراعا ادامداردىڭ جاپپاي اعىلۋىنا اكەلگەن جالعان اقپاراتپەن بايلانىستىردى.