جەتىسۋ وبلىسىندا پوليسەيلەر جول اپاتىنان كەيىن قاشىپ قۇتىلماق بولعان ماس جۇرگىزۋشىنى ۇستادى. وقيعا تۇنگى ۋاقىتتا الماتى – وسكەمەن تاس جولىندا بولعان، دەپ حابارلايدى infohub.kz.
تۇنگى ساعات ءۇش شاماسىندا 112 كانالىنا الماتى – وسكەمەن تاس جولىندا جول-كولىك وقيعاسى بولعانى تۋرالى حابارلاما ءتۇستى. كۋاگەرلەر اپاتقا قاتىسۋشىلاردىڭ ءبىرى قاشىپ قۇتىلماق بولعانىن ايتتى. پوليسيا قىزمەتكەرلەرى دەرەۋ قۋعىنعا شىقتى.
Nissan Cefiro كولىگى جۇرگىزۋشى قونايەۆ قالاسى باعىتىندا قاشىپ بارا جاتقاندا توقتاتىلدى. رولدە ەسكەلدى اۋدانىنىڭ 25 جاستاعى تۇرعىنى وتىرعان. الدىن الا مالىمەت بويىنشا، ەر ادام ساپار الدىندا الكوگول ءىشىپ، سودان كەيىن رولگە وتىرعان. ءقاۋىپسىز قاشىقتىقتى ساقتاماي، ول باسقا Nissan Cefiro كولىگىمەن سوقتىعىسقان. مەديسينالىق كۋالاندىرۋ ونىڭ ماس كۇيىندە بولعانىن راستادى.
قۇقىق قورعاۋ ورگاندارى بۇعان دەيىن بۇل ەر ادامنىڭ جەتى جىل مەرزىمگە جۇرگىزۋشى كۋالىگىنەن ايىرىلعانىن انىقتادى. وعان قاراماستان، ول قايتادان ماس كۇيىندە رولگە وتىرعان.
كۇدىكتى ۇستالىپ، ۋاقىتشا ۇستاۋ يزولياتورىنا قامالدى. فاكتى بويىنشا تەرگەۋ جۇرگىزىلۋدە.