بۋراي اۋدانىنىڭ تۇرعىنى ماس كۇيىندە ءۇش بالاسىمەن كولىككە وتىرىپ، قايتىس بولعان جۇبايىنىڭ تۋىستارىنا جول تارتقان. الايدا جولدا باسقارۋدى جوعالتىپ، جەكە تۇرعىن ۇيگە سوعىلعان، دەپ حابارلايدى infohub.kz.
پوليسيا مالىمەتىنشە، وقيعا ۆيشنەۆوە اۋىلىندا بولعان. ەر ادام Lada Largus كولىگىمەن جاعالى كوشەسىمەن كەلە جاتىپ، قورشاۋعا سوعىلىپ، سودان كەيىن تۇرعىن ءۇيدىڭ قابىرعاسىنا سوعىلعان. سوققى سالدارىنان كولىك قورشاۋدى قۇلاتىپ، باقشانى زاقىمداپ، كىرەبەرىستەگى باسپالداققا تىرەلگەن.
جول اپاتى سالدارىنان جۇرگىزۋشىنىڭ بالالارى زارداپ شەكتى — ولاردى تەكسەرۋ ءۇشىن مەديسينالىق مەكەمەگە جەتكىزىپ، كەيىن ۇيلەرىنە جىبەرگەن. كەيىن ولاردى اجەسىنە اپارعان.
ماس جۇرگىزۋشى ۇستالىپ، پوليسياعا جەتكىزىلدى. وعان قاتىستى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 608-بابىنىڭ 3-بولىگى بويىنشا اكىمشىلىك حاتتاما تولتىرىلدى. وعان جۇرگىزۋشى كۋالىگىنەن ايىرۋ جانە اكىمشىلىك قاماققا الۋ جازاسى ءقاۋىپ ءتونىپ تۇر.
جۇبايىنىڭ تۋىستارى نەمەرەلەرىن ءوز تاربيەلەرىنە الۋعا نيەتتى.