الەۋمەتتىك جەلى قولدانۋشىلارى 1937 جىلعى فرەسكادان سمارتفوندى بايقاپ، ۋاقىت ساپارى تۋرالى مالىمدەدى، دەپ حابارلايدى infohub.kz سايتى.
جەلىدە يتالو-امەريكالىق سۋرەتشى ۋمبەرتو رومانو سالعان «ميستەر پينچون جانە سپرينگفيلدتى يگەرۋ» اتتى فرەسكا جونىندە تالقىلاۋ قىزدى. تۋىندىدا سپرينگفيلد (ماسساچۋسەتس شتاتى) قالاسىنىڭ نەگىزىن قالاۋشى ۋيليام پينچون كولونيستەر مەن جەرگىلىكتى بايىرعى امەريكاندىق تايپا وكىلدەرىنىڭ ورتاسىندا بەينەلەنگەن.
قولدانۋشىلاردىڭ نازارىن الدىڭعى پلانداعى، قولىندا جىلتىر جيەگى بار تىكبۇرىشتى قارا زات ۇستاپ، وعان قادالا قاراپ تۇرعان ەر ادامنىڭ بەينەسى تارتتى. كوبى سول زاتتان قازىرگى سمارتفوندى كورىپ، ۋاقىت ساپارى تۋرالى تەوريالاردى تاراتا باستادى.
فرەسكا ماسساچۋسەتس شتاتىنىڭ ۇكىمەت عيماراتىندا ورنالاسقان، بۇرىن ونى سپرينگفيلدتىڭ باس پوشتاسى يەلەنگەن. كارتينا ۇلى دەپرەسسيا كەزىندە ونەردى قولداۋعا ارنالعان Federal Art Project ۇكىمەتتىك باعدارلاماسى اياسىندا سالىنعان.
تاريحشىلار مەن ونەرتانۋشىلار كونسپيرولوگيالىق نۇسقالاردى جوققا شىعارىپ، قاراپايىم تۇسىنىكتەمە ۇسىنادى. بالكىم، سۋرەتشى XVII عاسىردا ەۋروپالىق قونىستانۋشىلار مەن امەريكانىڭ بايىرعى حالىقتارى اراسىنداعى ساۋدادا كەڭ تاراعان قالتا ايناسىن بەينەلەگەن بولار. زەرتتەۋشىلەر باسقا دا ىقتيمال نۇسقالار رەتىندە شاعىن ءدىني باسىلىمدى نەمەسە تەمىر ءجۇزدى اتايدى.
ساراپشىلاردىڭ پىكىرىنشە، كونسپيرولوگيالىق تەوريا گادجەتتەرگە ۇيرەنگەن قازىرگى كورەرمەندەردىڭ كوز الداۋى مەن قابىلداۋىنىڭ ناتيجەسى بولدى.