ماتەماتيكا ساباعىندا ۇلتتىق ويىنداردى پايدالانۋدىڭ ماڭىزى

ساباق تاقىرىبى: ماتەماتيكا ساباعىندا ۇلتتىق ويىنداردى پايدالانۋدىڭ ماڭىزى.

ساباقتىڭ ماقساتى: وقۋشىلارعا ۇلتتىق ويىنداردى ويناتا وتىرىپ، قىزىقتى تاپسىرمالار، جۇمباق ەسەپتەر شىعارتۋ، لوگيكالىق ويلاۋ قابىلەتتەرىن دامىتۋ، تەز ويلاۋعا، شاپشاڭ ەسەپتەۋگە ۇيرەتۋ، ۇجىمدىققا، ەپتىلىككە تاربيەلەۋ. حالقىمىزدىڭ ادەت-عۇرپىن، ويىن-ساۋىقتارىن، ۇلتتىق ويىندارىن ويناتۋ ارقىلى بالالاردى اۋىزبىرلىككە، دوستىققا تاربيەلەۋ.

ساباقتىڭ كورنەكىلىگى: اسىقتار، اقسۇيەكتەر، كۋبيك، كەسپە ارىپتەر، تەڭگە، ورامال.
ساباقتىڭ ءادىسى: ءتۇسىندىرۋ، ەسەپتەۋ، قۇراستىرۋ، وي قوزعاۋ، ۇلتتىق ويىندار.
ءپانارالىق بايلانىس: ءتىل دامىتۋ، ساۋات اشۋ، ەكولوگيا، لوگيكا

ساباق بارىسى: ۇيىمداستىرۋ كەزەڭى.
الدىمەن ۇلتتىق ويىندار تۋرالى تۇسىنىك بەرۋ.
الامان بايگە. مۇندا جۇيرىك، جارىس اتتار 25-100 شاقىرىمدىق قاشىققا شابادى. ونىڭ جولىندا اينالىپ وتەتىن كول، ساي-سالا، بەل-بەلەستەر ءتارىزدى كەدەرگىلى جەرلەر بولۋعا ءتيىستى. الامان بايگە ۇلكەن تويدا، ۇلكەن استا، تورقالى تويلار مەن زور مەرەكەلەردە جاريالانادى.

ماقسات قويۋ:
بايگەگە ءتۇسىپ جارىسپاي،
جۇيرىكتىڭ باعى جانار ما؟
ءبىلىم مەن ونەر جارىسىپ،
ءتالىم، تاربيە تابار ما؟
بۇل بايگە ويدىڭ بايگەسى
كىم جۇيرىك ويعا-سول الدا، - دەگەندەي جارىس تۇرىندە وتكىزىلەتىن ساباعىمىزدى باستايمىز.
3-توپقا بولەمىن: «تاپقىرلار»، «بىلگىرلەر»، «ويشىلدار».

1-تاپسىرما: ماتەماتيكالىق جۇمباق ەسەپتەر.
1.تال باسىندا ءتىزىلىپ، ون جاپىراق تۇر ەدى.
جەل سوقتى دا ءۇزىلىپ، ۇشىپ كەتتى بىرەۋى.
ىزىنشە ونىڭ ج ۇلىنىپ، ءتۇستى تاعى بەسەۋى.
تۇر ءالى دە ءىلىنىپ، جاپىراقتىڭ نەشەۋى؟ (4)
2 اۋلادا 3 ۇيرەك،
قورادا 1 ۇيرەك.
1 ۇيرەك تىعىلدى،
1 ۇيرەك جىعىلدى.
قالعانى نەشە ۇيرەك؟ (2)

3.تاباقتا 5 الام،
قولىمدا 2 الما.
قوسقاندا بارلىعى،
بولادى نەشە الما؟ (7)

2-تاپسىرما: «حانتالاپاي» ويىنى.
تالاپاي-اۋ تالاپاي،
تابىلدى ويىن الاقاي!
اسىقتى العا شاشامىز،
تالاپايعا باسامىز، - دەپ اسىقتى شاشىپ جىبەرەمىن. وقۋشىلار شاشىلعان اسىقتى جيناپ الادى دا ءار وقۋشى ءوزىنىڭ قولىنداعى اسىعىن توپپەن قوسىلا ساناپ شىعادى. اسىقتاردىڭ سانى اياقتالعان سوڭ، سالىستىرۋ جۇمىسىن جۇرگىزەمىز.

3-تاپسىرما: «اقسۇيەك» ويىنى.
ويىننىڭ شارتى: تاقتاعا اقسۇيەكتەر جاپسىرىلادى. ءبىر بالا كوزىن جۇمادى دا اقسۇيەكتىڭ بىرەۋىن الادى. ارتىندا جازىلعان سانعا بايلانىستى ساناماق ايتادى.

4-تاپسىرما: «ورامال تاستاماق» ويىنى.
شارتى: ساننىڭ الدىڭعى جانە ارتقى كورشىسىن تابۋ. تاپقان بالا كەلەسى بالانىڭ الدىنا ورامال تاستايدى.
5-تاپسىرما: «تەڭگە ءىلۋ» ويىنى.
شارتى: تاقتاعا تەڭگە ىلىنەدى. تەڭگە الۋ ءۇشىن ءبىر جاڭىلتپاش ايتىپ بەرۋ كەرەك.
6-تاپسىرما: «نەشە اياق» ويىنى.
شارتى: ماراتتىڭ ۇيىندە اكەسى، شەشەسى، ءبىر ءىنىسى، اپاسى بار. ماراتتىڭ تۇرعىندارىنىڭ اياقتارىنىڭ سانى نەشەۋ؟

7-تاپسىرما: «كۋبيزم» ءادىسىن قولدانا وتىرىپ، وي قوزعاۋ ستراتەگياسىن قولدانامىن. كۋبيكتى لاقتىرۋ ارقىلى سۇراقتارعا جاۋاپ بەرۋ. 12345 سانداردى اشۋ “ءبىلىم” دەگەن ءسوز شىعادى.
سۇراقتار:
قول نە ءۇشىن كەرەك؟
قازاقتىڭ تۇڭعىش پرەزيدەنتى كىم؟
كىتاپ نە ءۇشىن كەرەك؟
“ قىزىل كىتاپقا” نە جازىلادى؟
ءتىرى تابيعاتتى اتا؟

قورىتىندى.
بالالاردى ماداقتاپ، كەسپە ارىپتەر ارقىلى «جارايسىڭدار» ءسوزىن قۇراستىرىپ، ساباقتى قورىتۋ.