ءبىلىم بەرۋ سالاسى: تانىم
ۇيىمداستىرىلعان وقۋ ءىس - ارەكەتى:
ماتەماتيكا

تاقىرىبى: "قايتالاۋ"
ماقساتى: بىلىمدىلىك: بالالاردىڭ ماتەماتيكاعا دەگەن قىزىعۋشىلىقتارىن ارتتىرۋ، ويىندار ارقىلى ەسەپتەر شىعارا بىلۋگە، ءار ءتۇرلى پىشىندەرمەن جۇمىستار جاساپ، لوگيكالىق ەسەپتەردى ويلانىپ ناقتى جاۋاپ بەرۋگە ۇيرەتۋ.
دامىتۋشىلىق: بالالاردىڭ جىل بويى ماتەماتيكادان وتكەندەرىن قايتالاۋ ارقىلى ەسكە ءتۇسىرىپ، وي قابىلەتتەرىن جاقسى دەڭگەيدە دامىتۋ.
تاربيەلىك: قورشاعان ورتاعا دەگەن سۇيىسپەنشىلىكتەرىن وياتۋ، وزىق وقىتۋ تەحنولوگياسىنىڭ تيىمدىلىگىن پايدالانا وتىرىپ بالالاردى شاپشاڭدىققا، ۇجىممەن جۇمىس جاساي بىلۋگە تاربيەلەۋ.
ساباقتىڭ ءتۇرى: ۇجىمدىق ويىن ءتۇرى.
كورنەكى قۇرالدار: 1 - 20 - عا دەيىن ساندار، عارىش ايلاعىنىڭ سۋرەتتەرى، گەومەتريالىق پىشىندەر، گۇلدەر، ءتۇرلى – ءتۇستى قاعازدار، جازدىڭ سۋرەتتەرى، سلايدتار، ەسەپتەر جازىلعان كارتوچكالار.

ساباقتىڭ بارىسى: ۇيىمداستىرۋ كەزەڭى
پسيحولوگيالىق ءسات:
بىزدەر جاقسى بالامىز،
ءوستى اقىل سانامىز.
قوناقتارمەن ەڭ العاش،
امانداسىپ الامىز
سالەمەتسىزدەر مە!
ۇيىمداستىرۋ كەزەڭى:
بالالار ساباعىمىزدى «عارىش ايلاعىنا» ساياحاتقا شىعۋدان باستايىق.
كوزدەرىمىزدى جۇمىپ عارىشتى كوز الدارىنا ەلەستەتەيىكشى، جاي دىبىستا اۋەن ويناپ تۇرادى، بالالاردان كوز الدارىنا نە ەلەستەگەنىن سۇراۋ، عارىش ايلاعى عارىش كەمەسى، زىمىران تۋرالى تۇسىنىك ايتىپ كەتۋ.
ساياحاتقا بارۋ ءۇشىن بىزگە زىمىران كەرەك، ول ءۇشىن ءار توپ ءوز زىمىرانىن قۇراستىرىپ الۋ كەرەك جانە ءار توپ زىمىرانىنا ات قويۋ كەرەك.

عارىشقا جەتۋ ءۇشىن بىرنەشە كەدەرگىلەردەن ءوتۋىمىز كەرەك، سۇراقتارعا جاۋاپ بەرىپ، ەسەپتەر شىعارىپ كوپ جۇلدىزشاعا تولتىرۋىمىز قاجەت.
عارىش ايلاعىنىڭ كەدەرگىلەرى:

1. ديداكتيكالىق ويىن.
«ءوز ورنىڭدى تاپ» ويىنى.
ءار بالاعا ساندار جازىلعان قاعازدار ۇسىنىلادى، بالالار قولدارىنداعى سانعا بايلانىستى، تاقتا الدىنا سانداردىڭ ءوسۋ رەتىمەن تۇرادى.
- بالالار، قاراڭدارشى، قانداي كوپ ساندار سانايىقشى.

2. گەومەتريالىق پىشىندەردى جىكتەۋ.

3. ەسەپتەر شىعارۋ.
بالالار شارشاپ قالعان بولارسىڭدار ءبىر سەرىگىپ الايىقشى
ءبىر ساۋساعىم ءتىپتى دە،
ۇستاي الماس ءجىپتى دە
ەكى ساۋساق بىرىكتى
ينە قولعا ىلىكتى،
ءۇش ساۋساعىم ورامدى
جۇگىرتەدى قالامدى.
ونەرلى ەكەن ون ساۋساق
قالا سالساق. جول سالساق.
ال، بالالار اسپان الەمىندە ساياحاتىمىزدا اياقتالىپ قالدى سەندەر كوپتەگەن كەدەرگىلەردەن وتتىڭدەر، ەندى بىزدەر جەرگە قونۋىمىز كەرەك، قونۋ ءۇشىن عارىش ايلاعىنداعى سوڭعى تاپسىرمانى ورىنداساق قونۋعا مۇمكىنشىلىك بار. ول تاپسىرما لوگيكالىق ەسەپتەر شىعارۋىمىز كەرەك.

ءا) لوگيكالىق ەسەپتەر
1. كولدەن ۇشتى جەتى قاز،
قايتىپ كەلدى ەكى قاز
قونباي كەتتى نەشە قاز؟

2. ءبىر المانى تورتكە ءبولدىم،
ءبىر بولىگىن جەپ تە كوردىم،
قالعان ءۇش بولىگىن،
قاسىمداعى ءۇش دوسىما بەردىم
قولىمدا نە قالدى؟

3. دۇكەننەن سابىن الدىم،
جانە ونىڭ قابىن الدىم،
ەكى داپتەر، ءبىر قارىنداش
ءتىس ىسقىشتى تاعى الدىم،
سوندا ءبارى قانشا بولدى؟
بىزگە ەندى ءار توپ ءوز زىمىرانىن ءتيىستى جەرگە قوندىرۋعا مۇمكىندىك بار تاپسىرمالاردىڭ بارلىعىن ورىندادىق ءار توپ وزدەرىنىڭ جيناعان جۇلدىزشالارىن سانايىق، ەڭ جاقسى مىقتى ەكيپاجدى انىقتايىق.
- بالالار ەندى ساباعىمىزدا اياقتالىپ قالدى، جىل بويى ماتەماتيكا وقۋلىعىن جاقسى مەڭگەرگەن ەكەنسىڭدەر،
ەسەپتەردى دە جاقسى شىعاردىڭدار، ءبىز ەندى دايارلىق سىنىبىمەن قوشتاسىپ ۇزاق دەمالىسقا شىعامىز، بۇل قاي مەزگىلدە بولادى؟
جاز
دۇرىس ايتاسىڭدار، جاز مەزگىلىندە اۋا - رايى قانداي بولادى؟ جاز تۋرالى نە بىلەسىزدەر؟
ەسىك قاعىلادى.
بالالار ەسىك قاعىپ تۇر ما؟
يا
ەسىك اشىلىپ، ىشكە كوبەلەك كىرەدى. مۋزىكا اۋەنى ويناپ تۇرادى.
سالەمەتسىزدەر مە، بالالار؟
سالەمەتسىز بە
بالالار بىزگە كىم كەلدى؟
كوبەلەك
كوبەلەك قاي كەزدە بولادى؟
جازدا
كوبەلەك بىزگە بي الا كەلىپتى كوبەلەكپەن بيلەپ الامىز با؟
كوبەلەك: مەن سەندەرگە قۇر قول كەلگەن جوقپىن سىيقىرلى ساندىقشامەن كەلدىم، وندا تاپسىرمالارىم بار سولاردى ورىنداساڭدار جازعى تابيعاتقا ساياحاتقا شىعىپ دەمالاسىڭدار مەنىم تاپسىرمالارىمدى ورىنداپ قارايسىڭدار ما؟
بالالار ساندىقتان سۋرەتتەردى الىپ سۇراقتارعا جاۋاپ بەرەدى، سۋرەتتەر تاقتاعا ىلىنەدى.
تاقتادا جازعى تابيعات پايدا بولادى. بالالار سۋرەتكە قاراپ اڭگىمە قۇراستىرادى.
كوبەلەك: جارايسىڭدار بالالار، سەندەر وتە ءبىلىمدى ەكەنسىڭدەر، بارلىق سۇراقتارعا جاۋاپ بەردىڭدەر، جازعى دەمالىسقا شىعۋعا دا دايىن ەكەنسىڭدەر.

قورىتىندى:
ساباققا بارلىقتارىڭ جاقسى قاتىستىڭدار، ەندى بالالار جازعى دەمالىسقا شىعىپ دەمالىپ ءبىرىنشى سىنىپقا كەلەسىڭدەر، ساۋ بولىڭدار!