امەريكاندىق ويىنشىق ءوندىرۋشىسى Mattel ايگىلى ءانشى ۋيتني حيۋستونعا ارنالعان Barbie Signature سەرياسىنداعى جاڭا قۋىرشاقتى ۇسىندى. رەليز ءانشىنىڭ تۋعان كۇنىنە ورايلاستىرىلعان، 2026 جىلى ول 63 جاسقا تولار ەدى، دەپ حابارلايدى infohub.kz سايتى.
قۋىرشاق ءانشىنىڭ مۇراگەرلەرىمەن بىرلەسىپ جاسالدى. جاڭا ءونىمنىڭ تۇساۋكەسەرى اتلانتاداعى ۋيتني حيۋستون قورى ۇيىمداستىرعان Legacy of Love Gala قايىرىمدىلىق كەشىندە ءوتتى.
قۋىرشاقتىڭ بەينەسى ءانشىنىڭ 1987 جىلعى "I Wanna Dance with Somebody" حيتىنىڭ كليپىندەگى اڭىزعا اينالعان ستيلىنەن شابىتتانعان. فيگۋرا سيرەن ءتۇستى دەنەگە قوناتىن كويلەك كيگەن، ۇلپىلدەگەن بۇيرا شاش، اشىق ماكياج جانە اشەكەيلەرمەن تولىقتىرىلعان. قۋىرشاق قولىندا ميكروفون ۇستاپ تۇر.
ديزايندى ازىرلەۋگە ءانشىنىڭ كەلىنى ءارى مۇراسىن باسقارۋشى پەت حيۋستون قاتىستى. ونىڭ ايتۋىنشا، مۇنداي قۋىرشاق جاساۋ ءۋيتنيدىڭ ءوزىنىڭ كوپتەن بەرگى ارمانى بولعان.
كوللەكسيالىق قۋىرشاق ءقازىردىڭ وزىندە ينتەرنەت-دۇكەندەردە ساتىلىمعا شىقتى. بۇعان دەيىن Mattelء-دىڭ مۋزىكالىق قۋىرشاقتار جەلىسى مايلي سايرۋس، كايلي مينوۋگ جانە تينا تەرنەردىڭ فيگۋرالارىمەن تولىققان بولاتىن.