پاۆلودار وبلىسى ماياقايىن كەنتىنىڭ تۇرعىنى جەدەل مەديسينالىق جاردەم قىزمەتكەرىن بالاعاتتاپ، جۇمىسىنا كەدەرگى جاساعانى ءۇشىن 129 750 تەڭگە ايىپپۇل تولەيتىن بولدى، دەپ حابارلايدى infohub.kz سايتى.
پاۆلودار وبلىستىق جەدەل مەديسينالىق جاردەم ستانسياسىنىڭ Instagram-داعى رەسمي پاراقشاسىندا جازىلعانداي، باياناۋىل اۋداندىق سوتى 103 قىزمەتىنىڭ قىزمەتكەرىنە بىلاپىت سويلەپ، ونىڭ كاسىبي جۇمىسىنا كەدەرگى جاساعان ايەلدى اكىمشىلىك جاۋاپكەرشىلىككە تارتتى.
سوتقا جەتكەن وقيعا 5 قىركۇيەكتە ماياقايىن كەنتىندە بولدى. جەدەل جاردەم بريگاداسى شاقىرتۋ بويىنشا ۇيلەردىڭ بىرىنە كەلدى — قىزدىڭ جاعدايى ناشارلاعان ەدى. مەديكتەر وقيعا ورنىندا ناۋقاستىڭ جاعدايىن انىقتاپ، وعان كومەك كورسەتۋگە تىرىستى.
«وسى ۋاقىتتىڭ بارلىعىندا دەرلىك قاسىندا 103 قىزمەتىنىڭ فەلدشەرىن بالاعاتتاپ، ءتىپتى جۇمىسىنا كەدەرگى جاساۋعا تىرىسقان ايەل بولدى. مۇنىڭ ءبارى پاۆلودار وبلىستىق جەدەل جاردەم ستانسياسىنىڭ وكىلدەرى ءبىر جىلدان استام ۋاقىت بويى ءاربىر شاقىرتۋ كەزىندە پايدالانىپ جۇرگەن بەينەتىركەگىشكە جازىلىپ قالدى. وسى جازبا سوتتا قۇقىق بۇزۋشىلىقتىڭ نەگىزگى دالەلى بولدى»، — دەدى 103 قىزمەتىندە.
سوت ايەلدى ق ر اقبتك-نىڭ 80-1-بابىنىڭ 2-بولىگىمەن (مەديسينالىق نەمەسە فارماسەۆتيكالىق قىزمەتكەرلەردى قىزمەتتىك مىندەتتەرىن اتقارۋ كەزىندە قۇرمەتتەمەۋشىلىك تانىتۋ) اكىمشىلىك جاۋاپكەرشىلىككە تارتتى. جازا رەتىندە ءبىرىنشى ساتىداعى سوت وعان 30 اەك (129 750 تەڭگە) مولشەرىندە ايىپپۇل سالدى. شەشىم 17 قىركۇيەكتە شىعارىلىپ، ءالى زاڭدى كۇشىنە ەنگەن جوق.