مازمۇنداما «ەكى ساۋىسقان»

مازمۇنداما «ەكى ساۋىسقان»
قازاق ادەبيەت 6 سىنىپ
ەكى ساۋىسقان
(مىسال)

بىردە اڭشىنىڭ اكەسى قاتتى اۋىرىپ قالادى. ەمشىلەردىڭ ءبىرى:
- ەگەر دە اكەڭە ساۋىسقانىڭ ءوتىن ىشكىزسەڭ، اۋرۋىنان قۇلان تازا جازىلىپ كەتەدى،- دەيدى.

اڭشى ەمشىنىڭ ايتقانىن ورىنداماق بولادى. ساۋىسقانداردى اڭدىدى. ءبىر كەزدە ءۇيىنىڭ جانىنداعى اعاش قورانىڭ ۇستىنە ەكى ساۋىسقاننىڭ قاتار كەلىپ قونعانىن بايقايدى. ەكەۋى شىقىلىقتاپ، ءبىراۋىق وتىرادى.

اڭشى مىلتىعىن كوزدەپ، شۇرىپپەنى باسپاقشى بولعاندا، مال ايداپ بارا جاتقان بالانى كوزى شالىپ قالدى. اتۋدىڭ رەتىن تاپپاعان اڭشى كۇتپەگەن كەدەرگىگە بولا، قاتتى وكىنەدى. ايتسە دە، قوس ساۋىسقان ۇشىپ كەتكەنىمەن، سالدەن سوڭ - اق، باياعى ورىندارىنا قايتا قوندى.
ەكەۋىن اجال ايداپ كەلدى - اۋ شاماسى، اڭشى مىلتىعىن ولارعا كەزەپ، شۇرىپپەنى باسىپ قالدى. ساۋىسقاننىڭ ءبىرى اعاش قورانىڭ ارعى تاساسىنا قۇلاپ ءتۇستى. ەكىنشىسى ۇزاپ ۇشىپ كەتپەي، سول تۇسقا اينالسوقتاپ قايتادان ۇشىپ كەلدى.

اڭشى اعاش قورانىڭ ارعى بەتىنە بارعاندا امان قالعان ساۋىسقاننىڭ وق ءتيىپ، جارالى بولعان ساۋىسقاندى تۇمسىعىن ءىلىپ، ارى قاراي سۇيرەلەپ، اكەتىپ بارا جاتقانىن بايقايدى.

- اپىرىم - اي، - دەيدى اڭشى قايران قالىپ، - ساۋىسقاندى وتە ساق دەۋشى ەدى. ال مىناعان نە دەرسىڭ. ولار سونىمەن بىرگە ءبىر - بىرىنە وتە مەيىرىمدى ەكەن - اۋ. جارالى سەرىگىن جولدا قالدىرعىسى كەلمەي، ولەرمەن حالدە وزىمەن بىرگە اكەتىپ بارا جاتقانىن قاراساڭشى!

اڭشى سول كۇنى العاش رەت ەمشىنىڭ ايتقان ءسوزىن ورىنداۋعا شىنايى پەيىل تانىتپادى. (172 ءسوز)