باتىس اۆسترالياداعى برۋم قالاسىندا ەسىرتكى ساۋداسىنا قاتىستى تەرگەۋ بارىسىندا 39 جاستاعى ەر ادامنىڭ كولىگىنەن ماكماففين بۋرگەرىنىڭ ىشىنەن 3،5 گرامم مەتامفەتامين تابىلدى. بۇل وقيعا 20 تامىزدا بولعان، دەپ حابارلايدى infohub.kz سايتى.
پوليسيانىڭ مالىمەتىنشە، كۇدىكتى ەسىرتكى وپەراسياسى اياسىندا باقىلاۋداعى ۇيگە كىرىپ-شىققان، سودان كەيىن كولىگىنە وتىرىپ، كەتىپ بارا جاتقان. ول بىرنەشە كوشە قاشىقتىقتا توقتاتىلىپ، كولىگىن تەكسەرۋ كەزىندە ارتقى ورىندىقتاعى تاعام قاپشىعىنان ىستىق تاعام تابىلعان. پوليسيانىڭ بەينەجازباسىندا وفيسەرلەر قاپشىقتىڭ ىشىندەگى بۋرگەرلەر مەن ءفريدى اقتارىپ، سوڭىندا ماكماففيننىڭ ىشىنەن ەسىرتكى سالىنعان پاكەتتى تاپقانى كورىنەدى.
پوليسيا پودكاستىندا سويلەگەن كونستەبل بەن لۋكاس بۇل تاعامنىڭ بىردەن كۇدىك تۋدىرعانىن ايتتى: "قاپشىقتا جاڭا پىسكەن، ىستىق، حوش ءيىستى Chicken Treat تاعامى بولدى، ءبىراق تۇبىندە سۋىپ قالعان، جاسىرىلعان ماكماففين بۋرگەرى جاتتى، بۇل ءبىزدىڭ نازارىمىزدى اۋداردى".
دەربي قالاسىنىڭ تۇرعىنى ەسىرتكىنى ساتۋ ماقساتىندا يەلەندى دەگەن ايىپپەن سوتقا تارتىلدى. ول 9 قىركۇيەكتە سوت الدىنا شىعادى. كولىكتە بولعان ايەل سۇراقتان كەيىن بوساتىلدى.