قازاقستاندا بيىل جازدا جۇرگىزۋشىلەرگە ارنالعان №073/ۋ نىسانداعى مەديسينالىق انىقتامانى راسىمدەۋ كۇرت ءوستى: ماۋسىمدا 37 مىڭعا جۋىق قۇجات بەرىلسە، تامىزعا قاراي بۇل كورسەتكىش ءتورت ەسەگە ۇلعايدى. اجيوتاجدىڭ سەبەبىن دەنساۋلىق ساقتاۋ مينيسترلىگى ءتۇسىندىردى، دەپ حابارلايدى infohub.kz سايتى.
«№073/ۋ نىسانداعى ەلەكتروندىق انىقتامالاردىڭ سانى ايتارلىقتاي ءوستى. اعىمداعى جىلدىڭ ماۋسىمىندا بارلىعى 36 994 انىقتاما راسىمدەلدى، شىلدەدە – 84 720، بۇل وتكەن ايمەن سالىستىرعاندا 129%-عا كوپ»، – دەلىنگەن ۆەدومستۆو حابارلاماسىندا.
تامىزدا راسىمدەلگەن انىقتامالاردىڭ سانى 147 522-گە جەتىپ، شىلدەمەن سالىستىرعاندا تاعى 74%-عا ءوستى.
سەبەبى نەدە
دەنساۋلىق ساقتاۋ مينيسترلىگى اجيوتاجدى ىشكى ىستەر مينيسترلىگىنىڭ زەينەتكەرلىك جاستاعى جۇرگىزۋشىلەرگە قاتىستى باقىلاۋىن كۇشەيتۋىمەن ءتۇسىندىردى.
«№073/ۋ نىسانداعى ەلەكتروندىق انىقتامالار سانىنىڭ ءوسۋى ىشكى ىستەر مينيسترلىگىنىڭ 65 جانە ودان جوعارى جاستاعى ازاماتتارعا، سونداي-اق ەكى جىلدا ءبىر رەت مەديسينالىق تەكسەرۋدەن ءوتۋى ءتيىس مۇگەدەكتىگى بار ادامدارعا قاتىستى باقىلاۋىن كۇشەيتۋىمەن بايلانىستى»، – دەلىنگەن حابارلامادا.
ەسكە سالايىق، قازاقستاندا 25 تامىزدان باستاپ جۇرگىزۋشىلەرگە ارنالعان جاڭا ەرەجەلەر كۇشىنە ەندى. ەندى 65 جاستان اسقان كولىك جۇرگىزۋشىلەرى ەكى جىلدا ءبىر رەت مىندەتتى مەديسينالىق تەكسەرۋدەن ءوتۋى قاجەت. كاسىبي تەكسەرۋدەن ءوتۋ ءتارتىبىن ءىىم تۇسىندىرگەن بولاتىن.
«كۋرسيۆ» جازعانداي، نەۆروزدار مەن السگەيمەر اۋرۋىن ەمدەۋ ورتالىعىنىڭ باسشىسى جىبەك جولداسوۆانىڭ پىكىرىنشە، مۇنداي كاسىبي تەكسەرۋلەردى ەنگىزۋ جول-كولىك وقيعالارىنا اكەلۋى مۇمكىن تانىمدىق بۇزىلىستاردى انىقتاۋعا كومەكتەسەدى.
سونداي-اق مىندەتتى مەديسينالىق تەكسەرۋدەن ءوتۋ تاجىريبەسى تۋرالى بۇرىن الماتىلىق يرينا بلوك ايتقان ەدى. ول دارىگەرلەر ءىس جۇزىندە تەكسەرۋ جۇرگىزبەگەنىن مالىمدەدى.