2026 جىلعى 23 تامىزدان باستاپ قازاقستاندا پاسيەنتتەردىڭ دەربەس دەرەكتەرىمەن جۇمىس ىستەۋدىڭ جاڭا ءتارتىبى كۇشىنە ەنەدى. دەنساۋلىق ساقتاۋ مينيسترلىگى دەرەكتەردى جيناۋ جانە وڭدەۋ قاعيدالارىن جاڭارتتى، دەپ حابارلايدى infohub.kz سايتى.
وزگەرىستەر eGov پورتالى ارقىلى كەلىسىم الۋ ەرەجەلەرىن، DICOM سۋرەتتەرىنىڭ سيفرلىق ستاندارتتارىن، سونداي-اق دياگنوستيكالىق فايلداردى مىندەتتى ساقتاۋ مەرزىمدەرى مەن كەيىننەن جويۋدى قامتيدى.
جاڭا قاعيدالارعا سايكەس، پاسيەنت دەربەس مەديسينالىق دەرەكتەرىن جيناۋعا جانە وڭدەۋگە جازباشا نىساندا، ەلەكتروندىق قۇجات تۇرىندە نەمەسە «سيفرلىق ۇكىمەت» ۆەب-پورتالىنداعى پايدالانۋشى كابينەتى ارقىلى بەرۋ جولىمەن كەلىسىم بەرەدى. مەديسينالىق كەسكىندەردى سايكەستەندىرۋ ءۇشىن ولارعا بىرەگەي يدەنتيفيكاسيالىق ءنومىر بەرىلەدى.
ساقتاۋ مەرزىمدەرىنە كەلەتىن بولساق، دياگنوستيكالىق جابدىقتىڭ كومەگىمەن الىنعان بالالار سۋرەتتەرى (0-دەن 15 جاسقا دەيىن) 15 جىل، ال ەرەسەك پاسيەنتتەردىڭ سۋرەتتەرى – 10 جىل ساقتالادى. مەرزىمى وتكەن سوڭ بۇل سۋرەتتەر جويىلادى.
پاسيەنتتەردىڭ دەربەس دەرەكتەرىمەن جۇمىس ىستەۋدىڭ جاڭا ءتارتىبى بيىلعى جىلدىڭ 23 تامىزىنان باستاپ ىسكە قوسىلادى.
بۇعان دەيىن دەنساۋلىق ساقتاۋ مينيسترلىگى دارىگەرلەردىڭ بۇكىل مانسابىن سيفرلىق جۇيەگە كوشىرەتىنى بەلگىلى بولعان ەدى. ول دارىگەردىڭ مەديسينالىق كوللەدجگە تۇسكەننەن باستاپ، بىلىكتىلىگىن ارتتىرۋ، جۇمىسقا ورنالاسۋ جانە جۇمىس ورنىن اۋىستىرۋعا دەيىنگى بارلىق جولىن قاداعالايدى. سونداي-اق، ەندى مەديسينالىق جوعارى وقۋ ورىندارىنداعى ورىن سانى اۋرۋحانالار مەن ەمحانالاردىڭ ناقتى سۇرانىستارىنا قاراي، تار مامانداردىڭ وتكىر تاپشىلىعى بار ايماقتارعا باسىمدىق بەرە وتىرىپ ەسەپتەلەتىنى حابارلانعان بولاتىن.