قازاقستان رەسپۋبليكاسىنىڭ دەنساۋلىق ساقتاۋ مينيسترلىگى مىندەتتى مەديسينالىق تەكسەرۋدەن ءوتۋ تارتىبىنە وزگەرىستەر ەنگىزدى — جاڭارتىلعان ەرەجەلەر 2026 جىلعى 3 قازاننان باستاپ كۇشىنە ەنەدى، دەپ حابارلايدى infohub.kz سايتى.
قازاقستاننىڭ نورماتيۆتىك قۇقىقتىق اكتىلەرىنىڭ ەتالوندىق بانكىندە كورسەتىلگەندەي، وزگەرىستەر اۋىسىم الدىنداعى مەديسينالىق كۋالاندىرۋدان وتەتىن جۇمىسشىلارعا قاتىستى بولادى.
قۇجاتتا مەديسينالىق قارسى كورسەتىلىمدەر، جۇمىسشىلاردى تەكسەرۋ ءتارتىبى، سونداي-اق كاسىپتىك پاتولوگيا بويىنشا تەكسەرۋگە جىبەرۋ ەگجەي-تەگجەيلى جازىلعان.
اتاپ ايتقاندا، ەندى كاسىپتىك اۋرۋعا كۇدىك تۋىنداعان جاعدايدا جىبەرۋ مەرزىمى بەلگىلەنەدى. ەگەر جۇمىسشىدا سوزىلمالى كاسىپتىك اۋرۋعا كۇدىك انىقتالسا، ونى كاسىپتىك پاتولوگيا سالاسىندا مامانداندىرىلعان كومەك كورسەتەتىن مەديسينالىق ۇيىمعا جىبەرۋ قاجەت. جىبەرۋ ءۇش جۇمىس كۇنىنەن كەشىكتىرىلمەي قامتاماسىز ەتىلۋى ءتيىس.
سونىمەن قاتار، زياندى جانە (نەمەسە) ءقاۋىپتى ەڭبەك جاعدايلارىندا جۇمىسقا جىبەرۋگە مەديسينالىق قارسى كورسەتىلىمدەر قايتا قارالادى.
زياندى جاعدايلاردا ەڭبەك ءوتىلى بار جۇمىسشىلار ءۇشىن مەديسينالىق تەكسەرۋدىڭ جەكە مەرزىمدىلىگى ەنگىزىلەدى — تەكسەرۋ بەس جىلدا ءبىر رەت جۇرگىزىلەدى.