رەسەي قاۋىپسىزدىك كەڭەسى ءتوراعاسىنىڭ ورىنباسارى دميتري مەدۆەديەۆ رەسەيدە جۇمىلدىرۋ تۋرالى قاۋەسەتتەردى جوققا شىعارىپ، ولاردى وتىرىك ارانداتۋ دەپ اتادى، دەپ حابارلايدى infohub.kz سايتى.
مەدۆەديەۆ قاۋىپسىزدىك كەڭەسىنىڭ قارۋلى كۇشتەردى كەلىسىمشارت بويىنشا اسكەري قىزمەتشىلەرمەن جاساقتاۋ جونىندەگى ۆەدومستۆوارالىق كوميسسياسىنىڭ وتىرىسىن وتكىزدى. ءوز سوزىندە ول جۇمىلدىرۋ تۋرالى قاۋەسەتتەر ينتەرنەتتە تاراتىلىپ جاتقان «وتىرىك ارانداتۋ» ەكەنىن مالىمدەدى.
«بۇل — سايلاۋ قارساڭىنداعى ناسيحاتتىڭ ءبىر بولىگى. ولار، ارينە، ءبىزدىڭ ەلىمىزدەگى جاعدايدى تۇراقسىزداندىرۋعا، تەرىس كوڭىل-كۇي تۋعىزۋعا تىرىسادى»، — دەدى دميتري مەدۆەديەۆ.
ەكس-پرەزيدەنت جۇمىلدىرۋ جۇرگىزۋ قاجەتتىلىگى جوق ەكەنىن اتاپ ءوتتى. «ارنايى اتاپ وتەيىن، جۇمىلدىرۋعا ەشقانداي قاجەتتىلىك جوق»، — دەپ قوستى ول.