بەلگىلى ءانشى، "مۋزارت" توبىنىڭ ءسوليستى مەيرامبەك بەسپايەۆ قازاقستاننىڭ جوعارى مەملەكەتتىك ماراپاتى – "پاراسات" وردەنىمەن ماراپاتتالدى. بۇل جاعىمدى جاڭالىقتى ءانشىنىڭ ارىپتەسى ساكەن مايعازييەۆ ءوزىنىڭ الەۋمەتتىك جەلىسىندەگى پاراقشاسىندا ءبولىستى.
بۇل تۋرالى Infohub.kz اقپارات اگەنتتىگى حابارلايدى.
مادەنيەت جانە اقپارات ءمينيسترى ايدا بالاەۆا الماتىدا وتكەن سالتاناتتى شارادا ءبىرقاتار مادەنيەت سالاسى قىزمەتكەرلەرىنە مەملەكەتتىك ناگرادالاردى تابىس ەتتى. ولاردىڭ قاتارىندا مەيرامبەك بەسپايەۆ تا بولدى.
ساكەن مايعازييەۆ دوسىنىڭ جەتىستىگىنە شىن جۇرەكتەن قۋانىپ، ونىڭ قازاق ونەرىنە قوسقان ۇلەسىن ەرەكشە اتاپ ءوتتى. "ءسۇيىنشى، قازاق ەلى! مەيرامبەك دوسىم "پاراسات" وردەنىمەن ماراپاتتالدى! قازاق ونەرىنە بەرگەنىڭ دە، بەرەرىڭ دە كوپ. ابىرويىڭ اسقاقتاي بەرسىن. اق جۇرەگىممەن قۋانىشتىمىن، دوسىم"، – دەپ جازدى مايعازييەۆ.
بۇل ماراپات – مەيرامبەك بەسپاەۆتىڭ ۇزاق جىلدار بويى قازاق ەستراداسىندا سىڭىرگەن ەڭبەگى مەن ەلى الدىنداعى قىزمەتىنىڭ زور باعاسى بولىپ تابىلادى.