Threads الەۋمەتتىك جەلىسىندە ءبىر قولدانۋشى مەكتەپ داپتەرلەرىنىڭ مۇقابالارىمەن پوست جاريالادى. ولاردا قازاقستاندىق جاستار اراسىندا تانىمال اببرەۆياتۋرالار ورنالاستىرىلعان. بۇلاردى ءارتۇرلى تۇسىنۋگە بولادى، دەپ حابارلايدى infohub.kz.
ماسەلەن، الەۋمەتتىك جەلى قولدانۋشىلارىنىڭ نازارىن ششس اببرەۆياتۋراسى اۋداردى. تومەنگى جاعىندا «شىدا، شىراعىم سىناققوي» دەگەن جازۋ بولسا دا، الەۋمەتتىك جەلىلەردە بۇل اببرەۆياتۋرا بالاعات سوزبەن بايلانىستىرىلادى.
سگل اببرەۆياتۋراسى دا وسىعان ۇقساس: داپتەردە «سەن گراندقا لايىقتىسىڭ» دەپ جازىلعانىمەن، جاستار ونى بالاعات رەتىندە پايدالانادى.
تاعى دا «سۋنبياترم» جانە «....... قىس!» دەگەن جازۋلارى بار داپتەرلەر كەزدەسەدى، ولار دا قازاقستاندىقتاردا سۇراق تۋعىزادى.
برەندتىڭ الەۋمەتتىك جەلىلەردەگى پاراقشاسىندا بۇل داپتەرلەر «موتيۆاسيالىق» دەپ بەلگىلەنگەن.
قولدانۋشىلاردىڭ پىكىرلەرى ەكىگە ءبولىندى. بىرەۋلەر جازبالاردى ادەپسىز جانە قۇرمەتسىز دەپ نارازىلىق ءبىلدىردى. ولار قۇزىرلى ورگانداردىڭ نەگە قاراپ وتىرعانىن سۇراپ، داپتەرلەردى ساتۋدان الىپ تاستاۋدى تالاپ ەتتى.
ەندى بىرەۋلەر يدەيانى كرەاتيۆتى دەپ باعالادى، ءبىراق مەكتەپ كەڭسە تاۋارلارىنا جارامايتىنىن ايتتى. سونداي-اق، ەگەر جازبا بىرەۋگە ۇناماسا، داپتەردى ءمولدىر ەمەس مۇقابامەن وراپ قويۋعا بولاتىنىن ەسكەرتتى.