ەلباسى نۇرسۇلتان نازاربايەۆ ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆتى قابىلدادى.
بۇل تۋرالى اقوردانىڭ ءباسپاسوز قىزمەتىنەن حابارلادى.
كەزدەسۋدە مەملەكەت باسشىسى عىلىمي زەرتتەۋلەردىڭ قازىرگى زامان تالابىنا ساي بولۋىنىڭ ماڭىزدىلىعىن اتاپ ءوتتى.
سونداي-اق، قازاقستان پرەزيدەنتى عىلىمدى باسقارۋدى ورتالىقسىزداندىرۋ ءىسىنىڭ وزەكتىلىگىنە جانە عىلىمي زەرتتەۋ جۇمىسىن جەكەلەگەن ۋنيۆەرسيتەتتەردە دامىتۋ قاجەتتىلىگىنە نازار اۋداردى.
«عىلىمي ازىرلەمەلەردى وندىرىسكە ەنگىزۋدىڭ ماڭىزى زور، - دەدى نۇرسۇلتان نازاربايەۆ.
م.جۇرىنوۆ بىرلەستىكتىڭ حالىقارالىق دەڭگەيدەگى بەدەلىنىڭ ارتۋىنا باتىستىق دامۋ ۇلگىسى سەپتىگىن تيگىزگەنىن ايتتى.
«ءبىزدىڭ اكادەميا - بارلىق بەدەلدى عىلىمي بىرلەستىكتەردىڭ مۇشەسى»، - دەدى ۇلتتىق عىلىم اكادەمياسىنىڭ پرەزيدەنتى.
سوڭىندا مەملەكەت باسشىسى عىلىمنىڭ ەل دامۋىنداعى ەلەۋلى رولىنە توقتالىپ، اتقارىپ جاتقان قىزمەتتەرى ءۇشىن اكادەميا عالىمدارىنا العىس ءبىلدىردى.