قازاقستان پرەزيدەنتى قاسىم-جومارت توقايەۆ الپينيست ەرۆاند يلينسكيدى "قازاقستاننىڭ ەڭبەك ەرى" جوعارى اتاعىمەن ماراپاتتادى. بۇل تۋرالى اقورداعا سىلتەمە جاساپ Infohub.kz اقپارات اگەنتتىگى حابارلايدى.
ماراپاتتاۋ مەملەكەت باسشىسىنىڭ ءباسپاسوز قىزمەتىنىڭ حابارلاۋىنشا، الپينيزم سالاسىنداعى ايرىقشا جەتىستىكتەرى، ەل سپورتىن دامىتۋعا قوسقان زور ۇلەسى جانە قوعامدىق بەلسەندىلىگى ءۇشىن بەرىلدى.
ەرۆاند يلينسكي كىم؟
ەرۆاند تيحونوۆيچ يلينسكي 1940 جىلى 25 تامىزدا كراسنويارسك قالاسىندا دۇنيەگە كەلگەن. 1949 جىلى اتا-اناسىمەن بىرگە الماتىعا كوشىپ كەلگەن. ول – كەڭەستىك جانە قازاقستاندىق الپينيست ءارى جاتتىقتىرۋشى.
يلينسكي قازاقستان الپينيزم قۇراماسىنىڭ باس جاتتىقتىرۋشىسى بولعان. بۇل كوماندا الەمدە ءبىرىنشى بولىپ پلانەتاداعى بارلىق 14 سەگىزمىڭدىق شىڭىن باعىندىرعان (1991-2010). ول سونداي-اق 1990 جىلى ەۆەرەست شىڭىن باعىندىرعان جانە قازاقستانداعى "جەتى شىڭ" كلۋبىنىڭ العاشقى مۇشەسى (2007).
جاتتىقتىرۋشىلىق جولى
1971 جىلى يلينسكيدىڭ الپينيستتىك سەكسياسىنا كازبەك ۆالييەۆ پەن ۆالەري حريششاتىي كەلگەن. كسرو چەمپيوناتىندا كومانداسىنىڭ جەڭىسىنەن كەيىن ونى سسكا-عا جاتتىقتىرۋشىلىققا شاقىرعان. ول وسى ۋاقىتقا دەيىن 100-دەن استام كسرو سپورت شەبەرى، 36 حالىقارالىق دارەجەدەگى سپورت شەبەرى جانە 24 ەڭبەك سىڭىرگەن سپورت شەبەرىن دايىنداعان.
1993 جىلى ول جاس دەنيس ۋرۋبكودان الەمدىك ءالپينيزمنىڭ بولاشاق جۇلدىزىن كورىپ، ونى ءوز كلۋبىنا شاقىرعان. 2000 جىلى ماكسۋت جۇمايەۆ پەن ۆاسيلي پيۆسوۆ سياقتى جاس الپينيستەردى جاتتىقتىرا باستادى. وسى جاس بۋىنمەن 2010 جىلى "قازاقستان قۇراماسى پلانەتانىڭ بارلىق 14 سەگىزمىڭدىعىندا" اتتى اۋقىمدى باعدارلامانى جۇزەگە اسىردى.