جىل باسىنان بەرى مەملەكەتتىك الەۋمەتتىك ساقتاندىرۋ قورى (ءماسق) ميلليوننان استام قازاقستاندىققا 464،7 ملرد تەڭگەگە جۋىق الەۋمەتتىك كومەك اۋداردى. قور اكتيۆتەرى 2026 جىلدىڭ 1 تامىزىندا 1،47 ملرد تەڭگەگە جەتتى، دەپ حابارلايدى infohub.kz سايتى.
2026 جىلدىڭ ەكىنشى توقسانىنىڭ قورىتىندىسى بويىنشا ءماسق-عا 506،5 ملرد تەڭگە الەۋمەتتىك اۋدارىم ءتۇستى. ولاردى مىندەتتى الەۋمەتتىك ساقتاندىرۋ جۇيەسىنە قاتىسۋشى 6،5 ملن ادام تولەدى، بۇل ەلدەگى جۇمىسپەن قامتىلعان حالىقتىڭ 60،57% قۇرايدى.
قۇجاتتا 2026 جىلدىڭ 1 قاڭتارىنان باستاپ ەڭبەككە قابىلەتتىلىگىنەن ايىرىلۋ جانە اسىراۋشىسىنان ايىرىلۋ بويىنشا تولەمدەر 10%-عا يندەكستەلگەنى اتاپ وتىلگەن.
ءماسق تولەمدەرىنىڭ ەڭ ۇلكەن بولىگى بالالى وتباسىلاردى، جۇكتى ايەلدەردى جانە جۇمىسىنان ايىرىلعانداردى قولداۋعا جۇمسالدى. بارلىعى قوردان 1 ميلليوننان استام ادام تولەم الدى.
ەڭ ءىرى سوما ءبىر جارىم جاسقا دەيىنگى بالا كۇتىمىمەن اينالىساتىن ادامدارعا اۋدارىلدى – 462،7 مىڭ ادام 208،9 ملرد تەڭگە الدى (ورتاشا مولشەرى 84 605 تەڭگە بولدى).
جۇكتىلىك جانە بوسانۋ بويىنشا تولەمدەرگە قور 97،4 مىڭ ادامعا 106 ملرد تەڭگە باعىتتادى، ورتاشا چەك 1 214 021 تەڭگەنى قۇرادى.
جۇمىسىنان ايىرىلۋ بويىنشا تولەمدەر 287،4 مىڭ ادامعا 88،1 ملرد تەڭگە سوماسىندا بەرىلدى، ورتاشا مولشەرى 102 384 تەڭگە.
ەڭبەككە قابىلەتتىلىگىنەن ايىرىلۋ كەزىندەگى كومەككە 95،2 مىڭ ادامعا 35،1 ملرد تەڭگە جۇمسالدى (ورتا ەسەپپەن 55 286 تەڭگە)، ال اسىراۋشىسىنان ايىرىلۋ بويىنشا – 67،3 مىڭ ادامعا 26،5 ملرد تەڭگە (ورتا ەسەپپەن 56 273 تەڭگە).
ەڭبەك مينيسترلىگى الەۋمەتتىك تولەمدەرمەن تابىستى الماستىرۋ كوەففيسيەنتى بويىنشا دا دەرەكتەر كەلتىردى. ەل بويىنشا ورتاشا ايلىق جالاقىعا (2026 جىلدىڭ ءبىرىنشى توقسانىندا 461 486 تەڭگە) قاتىستى جۇكتىلىك جانە بوسانۋ بويىنشا تولەم تابىستىڭ 253،1% الماستىرادى. جۇمىسىنان ايىرىلۋ بويىنشا بۇل كورسەتكىش 20،4%، اسىراۋشىسىنان ايىرىلۋ – 17،2%، ەڭبەككە قابىلەتتىلىگىنەن ايىرىلۋ – 16،9%، ال ءبىر جارىم جاسقا دەيىنگى بالا كۇتىمى بويىنشا – 16،4% قۇرايدى.
تولەمدەردى ەسەپتەۋ ءۇشىن قابىلدانعان ورتاشا ايلىق تابىسقا (2026 جىلدىڭ 1 تامىزىنداعى 314 993 تەڭگە) قاتىستى جۇكتىلىك جانە بوسانۋ بويىنشا الماستىرۋ كوەففيسيەنتى 427،1% جەتەدى، جۇمىسىنان ايىرىلۋ – 46،8%، بالا كۇتىمى – 43،7%، ەڭبەككە قابىلەتتىلىگىنەن ايىرىلۋ – 37،6%، ال اسىراۋشىسىنان ايىرىلۋ – 36،8%.
بۇعان دەيىن «كۋرسيۆ» مەملەكەتتىك الەۋمەتتىك ساقتاندىرۋ قورى 2025 جىلى باسقارمانىڭ ءتورت مۇشەسىنە 108،7 ملن تەڭگە تولەگەنىن جازعان بولاتىن.