بيىلعى جىلدىڭ ءبىرىنشى جارتىجىلدىعىندا مەملەكەتتىك بيۋدجەت كىرىسى وتكەن جىلدىڭ سايكەس كەزەڭىمەن سالىستىرعاندا شامامەن 16%-عا ءوستى، دەپ حابارلايدى infohub.kz.
ۇكىمەت جاڭا سالىق كودەكسىنىڭ العاشقى ناتيجەلەرىن قورىتىندىلادى. ءوسىمنىڭ نەگىزگى درايۆەرى – قوسىلعان قۇن سالىعى (ققس) بويىنشا تۇسىمدەر، ولار ءبىر جارىم ەسەگە ارتقان. بيزنەستى كولەڭكەدەن شىعارۋدىڭ ماڭىزدى ناتيجەسى – ققس تولەۋشىلەر سانىنىڭ 158 مىڭ سۋبەكتىگە دەيىن ءوسۋى.
مينيسترلەر كابينەتىنىڭ ايتۋىنشا، جاڭا سالىق كودەكسى قاراپايىم ازاماتتاردىڭ قارجىلىق جۇكتەمەسىن تىكەلەي ازايتادى. قىزمەت مەرزىمى 10 جىلدان اساتىن جەڭىل اۆتوكولىكتەرگە سالىق 30%-عا، ال 20 جىلدان ەسكىلەرىنە – 50%-عا تومەندەتىلگەن. ءبىرىڭعاي جيناقتاۋشى زەينەتاقى قورىنان (بجزق) تولەنەتىن زەينەتاقى تولەمدەرى ەندى جەكە تابىس سالىعىنان (جتس) تولىق بوساتىلدى. جوعارى تابىسى بار ازاماتتار ءۇشىن ءجتس-تىڭ پروگرەسسيۆتى شكالاسى ەنگىزىلدى.