مەملەكەتتىك رامىزدەر - ۇلتتىق ماقتانىش

اتىراۋ وبلىسى، يساتاي اۋدنى، ح. ناۋبەتوۆ اتىنداعى
ورتا مەكتەپتىڭ جوعارعى ساناتتى باستاۋىش سىنىپ ءمۇعالىمى
نۇرماشەۆا شاربانۋ ناسىر قىزى

تاقىرىبى: مەملەكەتتىك رامىزدەر - ۇلتتىق ماقتانىش.
ماقساتى: اتامەكەن، تۋعان جەر، ەل رامىزدەرىن قۇرمەتتەۋگە، وتانسۇيگىشتىككە تاربيەلەۋ.
كورنەكىلىگى: ن. ءا. نازارباەۆتىڭ سۋرەتى، ق. ر - نىڭ رامىزدەرى، ولەڭدەر، لوندون وليمپياداسىنىڭ جۇلدەگەرلەرىنىڭ سۋرەتتەرى.
ءادىسى: اڭگىمەلەۋ، سۇراق - جاۋاپ.
ساباقتىڭ بارىسى: 1. ۇيىمداستىرۋ.
2. ءمۇعالىمنىڭ كىرىسپە ءسوزى.

قۇرمەتتى وقۋشىلار! بۇگىنگى ءبىلىم كۇنگى العاشقى ساباعىمىز مەملەكەتتىك رامىزدەر تۋرالى. مەملەكەتتىك رامىزدەرگە تۋ، ەلتاڭبا، گيمن جاتادى. بيىلعى جىلى اتا زاڭىمىزعا - 17 جىل، مەملەكەتتىك رامىزدەرگە - 20جىل.
قازاقستان رەسپۋبليكاسىنىڭ مەملەكەتتىك گيمنىن جازعان جۇمەكەن ناجىمەدەنوۆ، نۇرسۇلتان نازاربايەۆ. ءانىن جازعان ءشامشى قالداياقوۆ.

قازاقستان رەسپۋبليكاسى مەملەكەتتىك تۋىنىڭ اۆتورى - شاكەن نيازبەكوۆ. مەملەكەتتىك تۋدىڭ ورتاسىندا شۇعىلالى كۇن، ونىڭ استىندا قالىقتاپ ۇشقان قىران بەينەلەنگەن تىك بۇرىشتى كوگىلدىر ءتۇستى ماتا. ماتانىڭ سول جاعىندا ۇلتتىق ورنەك. ولاردىڭ ءتۇسى التىن ءتۇستى.

ەلتاڭبا اۆتورلارى - سۋرەتشىلەر جانداربەك مالىبەكوۆ پەن شوتا ءۋاليحانوۆ. ەلتاڭبادا شاڭىراق بەينەلەنگەن، ونى اينالا كۇن ساۋلەسىندەي تاراپ ۋىقتار شانشىلعان، اڭىز اڭگىمەلەردەگىدەي پىراقتار قاناتى كومكەرىپ تۇر. ەلتاڭبانىڭ جوعارعى جاعىندا بەس بۇرىشتى جۇلدىز، تومەنگى جاعىندا "قازاقستان" دەگەن جازۋ بار.

3. ءۇنتاسپادان ءانۇران( گيمن) تىڭدالادى.
- بالالار، ءانۇراندا نە ايتىلعان؟
- ءانۇران قانداي جاعدايدا ورىندالادى؟
- مەملەكەتتىك تۋ قانداي جاعدايدا كوتەرىلەدى؟
- مەملەكەتتىك تۋ قانداي جاعدايدا تومەن تۇسىرىلەدى؟
4. مەملەكەتتىك رامىزدەرگە بايلانىستى سۋرەتتەر كورسەتۋ. ولارعا توقتالۋ.
5. سۇراق - جاۋاپ ءادىسى ارقىلى تۇسىنىكتەرىن بايقاۋ.
1. مەملەكەتتىك رامىزدەردى اتا؟
2. مەملەكەتتىك ءتىلىمىز قاي ءتىل؟
3. قازاقستاندا قانداي حالىقتار مەكەندەيدى؟
4. قازاقستان بايراعىنىڭ ءتۇسى قانداي؟
5. قازاقستان بايراعىندا نە بەينەلەنگەن؟

6. ساباقتى قورىتىندىلاۋ. ورازقان اسقار "ءبىزدىڭ ەلتاڭبا" ولەڭىمەن ساباقتى قورىتىندىلاۋ.
التىن قانات كومكەرگەن،
شاڭىراق بار، ۋىق بار.
اسەم بەينە سەن كورگەن،
جاي بەينە ەمەس، ۇعىپ ال!
سۇيسىندىرگەن ءوزىڭدى
تۇسىنە ءبىل تاڭبانى.
اڭىزداعى ۇشقىر، ءتوزىمدى
پىراق - حالىق ارمانى.
كوگىلدىر ءتۇس اياسى -
بەيبىت دالا ەلەسى.
شاڭىراق - جۇرت پاناسى،

ۋىقتار - كۇن ساۋلەسى.
جوعارىدا تۇسەر كوز
بەس بارماقتى جۇلدىزعا.
ال "قازاقستان" دەگەن ءسوز،
تانىس بارلىق ۇل - قىزعا.
ماعىنالى، سىمباتتى
بار وسىنداي بەلگىمىز.
ماعان، ساعان قىمباتتى
ەلتاڭباسى ول - ەلىمىز!

(ولەڭدى مانەرلەپ وقي وتىرا مازمۇنىن ءتۇسىندىرۋ)
كەيبىر سوزدەرگە توقتالۋ. مىسالى: پىراق - ەرتەگىلەردە كەزدەسەتىن قاناتتى تۇلپار. اڭىز حالىق قيالىنان تۋعان وقيعا.