ءتىل ونىڭ ىشىندە ءبىزدىڭ انا ءتىلى ەلىمىزدەگى حالىقتاردىڭ بارلىق ءىس - ارەكەتىنىڭ، قارىم - قاتىناسىنىڭ قۇرالى بولۋى ءتيىس، ونىڭ مادەنيەتىن جوعارى ساتىعا كوتەرۋ ءاربىرىمىزدىڭ بورىشىمىز. ءتىل تۋرالى زاڭنىڭ قابىلدانعانى، ونىڭ باپتارىنىڭ جۇزەگە اسىرىلۋىنىڭ باعدارلامالارىنىڭ جاساقتالعانى، مەملەكەت باسشىسىنىڭ ءتىل ساياساتىندا دۇرىس باعىت ۇستاپ، قولداۋ تانىتىپ وتىرعانى كوپكە ءمالىم.
ءتىل – قاستەرلى دە، قاسيەتتى ۇعىم. ول ءاربىر ادامعا انا سۇتىمەن بىرگە ەنىپ، قالىپتاسادى. انا ءتىلىن سۇيگەن ادام تۋعان جەرىن، ەلىن، وتانىن، اتامەكەنىن سۇيەدى دەگەن ءسوز. ال، بۇلاردىڭ ءبارى – ادام بالاسى ءۇشىن ەڭ قاسيەتتى ۇعىمدار. ءومىردىڭ الماستاي قىرىن، ابزال سىرىن تۇسىنە بىلۋىنە باستى سەبەپكەر – انا ءتىلى.
مەملەكەتتىك ءتىل – قازاقستان رەسپۋبليكاسىنىڭ ءتۇپقازىعى.
مەملەكەتتىك ءتىلدى وقىپ ۇيرەنۋ قازاقستان حالىقتارىنىڭ مادەنيەتى مەن تىلىنە قۇرمەتپەن قاراپ، ءوزارا تۇسىنىستىكتىڭ ورناۋىنىڭ كەپىلى بولۋى قاجەت.
قازاق ءتىلى — الەمدەگى التى مىڭعا جۋىق تىلدەردىڭ ىشىندەگى قولدانۋ ءورىسى جاعىنان جەتپىسىنشى، ال ءتىل بايلىعى مەن كوركەمدىگى، ورالىمدىعى جاعىنان العاشقى وندىقتار قاتارىنداعى ءتىل. سونداي - اق، ول دۇنيە جۇزىندەگى اۋىزشا جانە جازباشا ءتىل مادەنيەتى قالىپتاسقان التى ءجۇز ءتىلدىڭ، مەملەكەتتىك مارتەبەگە يە ەكى ءجۇز ءتىلدىڭ قاتارىندا تۇر.
ءتىل تۋرالى ءسوز قوزعالعاندا، بۇل ماسەلەنىڭ ىشىنەن باسقا ۇلت وكىلدەرىنە قازاق ءتىلىن وقىتۋدى جەكە ءبولىپ الماسا بولمايدى. ويتكەنى، قازىرگى تاڭداعى كوپ جۇمىس ىستەلىنىپ، جان - جاقتى قاراستىرىلىپ وتىرعان پروبلەما – ورىس اۋديتورياسىندا قازاق ءتىلىن وقىتۋ. سونىمەن قاتار، بۇل تىلدىك كوممۋنيكاسيانىڭ تىكەلەي زەرتتەۋ وبەكتىسى بولا كەلىپ، قازىرگى كەزەڭدە وزەكتى بولىپ وتىرعان قازاقشا سويلەۋگە ۇيرەتۋدىڭ ءتيىمدى جولدارىن تابۋعا كومەكتەسەدى.
نازار اۋدارىڭىز! جاسىرىن ءماتىندى كورۋ ءۇشىن سىزگە سايتقا تىركەلۋ قاجەت.