مەن سوعىستى جەك كورەم!

اقتوبە وبلىسى، ايتەكە بي اۋدانى.
سەۆەرنىي ورتا مەكتەبىنىڭ باستاۋىش سىنىپ ءمۇعالىمى
جاكۋپوۆا جۋلدىزاي سۋلتانگاليەۆنا
تاقىرىبى: « مەن سوعىستى جەك كورەم! »

ماقساتى:
وقۋشىلارعا جەر شارى بالالارىنىڭ تىلەگى بەيبىتشىلىك ەكەنىن ۇعىندىرىپ، شىعارماشىلىق قيالىن جۇيەلەۋ، تانىمدىق قابىلەتىن ارتتىرۋ، سونداي – اق وتانسۇيگىشتىككە باۋلىپ، ەل، ۇلت نامىسىن قورعاعان باتىرلاردى سىيلاپ قۇرمەتتەۋگە ۇيرەتۋدى ماقسات ەتىپ دامىتا وقىتۋعا نەگىزدەلگەن.
ساباقتىڭ كورنەكىلىگىنە سۋرەتتەر، بۋكلەتتەر، البومدار پايدالانىلدى.

ءپانارالىق بايلانىس: قازاق ءتىلى، ماتەماتيكا.

ساباقتىڭ بارىسى:

ۇيىمداستىرۋ كەزەڭى:
ساباققا پسيحولوگيالىق دايارلىق جاساۋ.
ا) ءۇي تاپسىرماسىن سۇراۋ.
ءا) ۇلى وتان سوعىسى تۋرالى دەرەكتەر، سۋرەتپەن جۇمىس جۇرگىزۋ.
ب) قىزىعۋشىلىقتى وياتۋ.
« مەن سوعىستى جەك كورەم! » ولەڭىن وقۋ (ءمۇعالىم)

اۆتور تۋرالى ماعلۇمات.
قايرات جۇماعالييەۆ 1937 جىلى 16 قىركۇيەكتە باتىس قازاقستان وبلىسى، وردا اۋدانى، بەسقۇدىق اۋىلىندا دۇنيەگە كەلگەن. قاز ۇۋ - دى بىتىرگەن. اقىن، قازاقستان جازۋشىلار وداعىنىڭ مۇشەسى، بىرنەشە كىتاپتاردىڭ اۆتورى.

سىنىپتى توپقا ءبولۋ.
1 توپ: ولەڭنىڭ مازمۇنىنا بايلانىستى سۋرەت سالۋ.
2 توپ: ولەڭ مازمۇنىنا بايلانىستى ماقال – ماتەل ويلاستىرۋ. ماعىنانى اشۋ.
3 توپ: ولەڭ مازمۇنىنا بايلانىستى شاعىن اڭگىمە قۇراستىرۋ.
ولەڭدى وقۋ. وقي وتىرىپ تۇسىنىكسىز سوزدەردىڭ استىن سىزعىزىپ، سوزدىك جۇمىسىن جۇرگىزۋ.

داپتەرمەن جۇمىس.
قاسىرەت – باسقا تۇسكەن ۋايىم، قايعى.
جىراق – شالعاي، الىس، قاشىق.
عۇمىر بويى – ءومىر بويى.

«سوڭعى ءسوزدى مەن ايتامىن» ءادىسىن قولدانۋ.
ءار توپ ولەڭگە بايلانىستى ماقال – ماتەل ايتادى.

ا)باتىر تۋسا – ەل ىرىسى،
جاڭبىر جاۋسا جەر ىرىسى.
ءا)جۇك اۋىرىن نار كوتەرەدى،
ەل اۋىرىن ەر كوتەرەدى.

ب) وتان ءۇشىن وتقا ءتۇس – كۇيمەيسىڭ

ۆ)بولات قايناۋدا شىنىعادى،
باتىر مايداندا شىنىعادى.

ع) ەردىڭ كوركى – ەلىمەن،
وتان كوركى – جەرىمەن.

گ)ەلىڭدى سۇيسەڭ – ەرلىك ىستەيسىڭ.

د)جولداس ءقادىرىن جورىقتا بىلەسىڭ،
دوس ءقادىرىن سوعىستا بىلەسىڭ.

وي تولعاۋ.
«بارىنەن دە قىمبات» ءتاسىلىن جۇرگىزۋ.
« بولجاۋ ستراتەگياسى »
«تالاي وتكەن عاسىرلار
ەش سوعىسسىز وتپەگەن»، - دەگەن ولەڭ جولدارىنداعى ويدى ءوربىتىپ كوتەرۋ.
وقۋشىلارعا ولەڭ مازمۇنىن ايتقىزۋ.
وزىندىك جۇمىس. «بەيبىتشىلىك» تاقىرىبىندا شاعىن اڭگىمە جازدىرۋ. ءار توپتان 2 – 3 بالاعا جازعان اڭگىمەلەرىن وقىتۋ.
ولەڭدەر وقۋ.

قورىتۋ، باعالاۋ.
ءان. «ءارقاشان كۇن سونبەسىن»
ۇيگە تاپسىرما. ولەڭدى مانەرلەپ وقۋ.