مەنىڭ قازاقستانىم!
جوسپار
كىرىسپە ءبولىم
وتان دەگەنىمىز نە؟
نەگىزگى ءبولىم
مەنىڭ وتانىم – قازاقستان.
قورىتىندى ءبولىم
تۋعان جەرىم – زىريان قالاسى.
وتان دەگەنىمىز نە؟ وتان وتباسىنان باستالادى. وتباسىندا ءبىر - بىرىنە ەڭ جاقىن ادامدار ءومىر سۇرەدى. ولار ءاردايىم ءبىر – بىرىنە قولداۋ كورسەتىپ، كومەكتەسىپ وتىرادى. وتباسىم – اتا - انام، اتا - اجەم، اعالارىم، اپكەلەرىم. وتباسىندا ىڭگالاپ دۇنيەگە كەلىپ، اناڭنىڭ بەسىك جىرىن تىڭداپ، الديىنە بولەنەسىڭ. ال اكەڭ سەنىڭ قاۋىپسىزدىك پەن قامقورلىقتا بولۋىڭ ءۇشىن بارىن سالادى. وسى جىلى ۇيادا سەن بارلىق جاقسى قاسيەتتەردى وتباسى مۇشەلەرىنەن ۇيرەنەسىڭ. قازاق وتباسى ۇلتتىق قۇندىلىقتارعا باي. مەن ەس بىلگەلى ۇلكەندى سىيلاۋ، كىشىگە ىزەت كورسەتۋ، السىزدەرگە قامقور بولۋ، وتىرىك ايتپاۋ، ادامنىڭ الا ءجىبىن اتتاماۋ سياقتى كورگەندى ىستەردى ۇيرەنىپ كەلەمىن. مەنىڭ باقىتتى بالالىق شاعىم وتانىمدا ءوتىپ جاتىر. ال مەنىڭ وتانىم كاسپي تەڭىزىنەن باستالىپ التاي ولكەسىنە دەيىن سوزىلىپ جاتقان قازاقستان رەسپۋبليكاسى. انا ءتىلى، مادەنيەتى، سالت - ءداستۇرى، ءدىنى، تاريحى بار مەملەكەت. سوزدەن مارجان تىزگەن ءتىلى بار، ءان مەن كۇيى كۇمبىرلەگەن مادەنيەتى بار، ۇرپاقتان ۇرپاققا جەتكەن سالتى بار، يماندىلىققا تاربيەلەيتىن ءدىنى بار، ۇمىتىلماس تاريحى بار مەنىڭ قازاق ەلىم. كەڭ بايتاق وتانىمىزدا تۋعان ەلىمىزدەن باسقا بىرنەشە ۇلت وكىلدەرى ءومىر سۇرەدى. ولاردى قازاق ەلى ءبولىپ – جارمايدى، ءوز حالقىنىن كەم سانامايدى. كەرىسىنشە جاقىن تارتىپ، كومەكتەسەدى. رەسپۋبليكامىزدا بىرنەشە ۇلت ءومىر سۇرگەندىكتەن مادەنيەتىمىز بەن ىنتىماقتاستىعىمىز ءبىرتۇتاس. ەلىمىزدەگى بارلىق حالىقتار مەملەكەتتىك ءتىلىمىزدى قۇرمەتتەيدى، ۇلتتىق قۇندىلىقتارىمىزدى قاتاڭ ساقتايدى. حالقىمىز ەرتە زاماننان باۋىرلاستىق پەن تۋىستاستىققا اسا ءمان بەرگەن. تۋعانى نەمەسە قوناعى بولسىن سىيلاستىق پەن قوناقجايلىلىق تانىتقان. ءقازىر قازاقستان الەمدىك دەڭگەيدە دامىپ كەلە جاتىر. بۇل تۋرالى ءبىز مەكتەپتە كوپ ماعلۇماتتار الامىز. بۇگىنگى مەنىڭ سىنىپتاستارىم ەرتەڭگى ەلىمىزگە قىزمەت جاسايتىن ماماندار.

ەسسە اۆتورى: زارلىقانوۆا اقجان باۋرجان قىزى،
زىريان اۋدانى – زىريان قالاسى،
«زىريان قالاسىنداعى №8 ورتا مەكتەبى» كمم
5 سىنىپ وقۋشىسى

مەنىڭ قازاقستانىم! جۇكتەۋ