قىزىلوردا وبلىسى،
قازالى اۋدانى، قازالى اۋىلى،
№ 100 ورتا مەكتەپ
كوشەرباەۆا گ.ە.

«شاكىرت جانىن ايالايتىن، ۇعاتىن،
مەرەكەڭىز قۇتتى بولسىن ءمۇعالىم»
1 - جۇرگىزۋشى: ارمىسىزدار ارداقتى ۇستازدار، ءقادىرلى قوناقتار! مەرەكەلىك جيىنىمىزعا قوش كەلدىڭىزدەر!
2 – جۇرگىزۋشى: جاس ۇرپاققا سانالى ءبىلىم مەن ساپالى تاربيە بەرەتىن ۇلاعاتتى ۇستازدار مەرەكەسى قۇتتى بولسىن!
1 - جۇرگىزۋشى: ابزال جان بار بيىك تۇلعا، بايسالدى،
قۇشاق جايا شاكىرتتەرى قارسى الدى.
بۇگىنگىدەي سالتاناتتى شاقتا ءبىر،
مەكتەپ باسشىسى قۇتتىقتايدى بارشاڭدى – دەپ قۇتتىقتاۋ ءسوز كەزەگىن مەكتەپ ديرەكتورى مامبەتوۆ الىشەر اعايىمىزعا بەرەمىز.
2 – جۇرگىزۋشى: كوكتەن جاۋىن نۇر سەپسە،
جايقالىپ شوپتەر كوگەرەر.
ەرىنبەي ۇستاز تەر توكسە،
ەل قۇرمەتىنە بولەنەر – دەي كەلە، قۇتتىقتاۋ ءسوز كەزەگىن اۋىلىمىزدىڭ اكىمى دۋلانبەك مىرزاعا بەرەمىز.
ساحناعا پوليسەي، دارىگەر، ءمۇعالىم، بانكير، ديزاينەر، شاكىرت شىعادى، بارلىق وقۋشى حورمەن:
پوليسەي: مەن پوليسەي قىزمەتكەرى،
باستاۋ العان تارتىپپەن.
الدا، وزىپ كەلەمىن،
ۇستاز بەرگەن تارتىپپەن!

دارىگەر: دارىگەرمىن، جاردەم بەرەر ناۋقاسقا،
جاقسىلىعىم جاقسىلىققا جالعاسسا.
باعالانسا مەنىڭ ەگەر ەڭبەگىم
قارىزدارمىن مۇعالىمگە ءاۋ باستا

بانكير: مەن بانكتىڭ باسشىسىمىن، قالادا،
باس يەمىن مۇعالىمدەي داناعا.
تامسانامىن، كەيدە قايران قالامىن،
ۇيرەتۋدەن جالىقپاعان بالاعا.

ءمۇعالىم: ۇستازىم ۇلگى - ونەگە ۇلىقتاعان،
جاناشىرعا وزىڭىزدەي جولىقپاعام.
مەن دە، بۇگىن مەكتەپتە ءمۇعالىممىن،
كەلىپ تۇرمىن، قۇتتىقتاۋعا ۇمىتپاعام.

ديزاينەر: ديزاينەرمىن ۇستازدان العان ءبىلىم،
ساعىنامىن اپايىمنىڭ اياۋلى ءۇنىن.
جيناپ كەلدىم شوعىمەن قىردىڭ گ ۇلىن،
قۇتتىقتايمىن ۇستازداردى مەن دە بۇگىن.

شاكىرت: شاكىرتتىك پارىزىم بار اقتالماعان،
كوپ تۇيگەن سىرلارىم بار اقتارماعان.
جۇپ – جۇمىر جۇرەگىمدە ساۋلەلەنىپ،
كەلەدى بوي كوتەرىپ اسقاق ارمان

حور: «ۇستازىم»
«شاكىرت جانىن ايالايتىن، ۇعاتىن
مەرەكەڭىز قۇتتى بولسىن، ءمۇعالىم»
(وقۋشىلار شىعىپ كەتەدى)

1 - جۇرگىزۋشى: ۇستاز دەگەن ۇستاز بولىپ تۋعاندار،
ۇلىلىقتى ۇلىقتاعان، يماندار.
ۇرپاعىنىڭ ەرتەڭىنە جول اشىپ،
ءومىرىنىڭ ءور شاقتارىن قۋعاندار.
2 – جۇرگىزۋشى: ءوزى ۇشىرعان قىراندارىن ۇيادان،
ىزدەيتۇعىن قۇزدان ەمەس قيادان.
ءبىز ءبارىمىز بەرەشەكپىز ۇستازعا،
ۇستازداردى، ۇستازداردى ءسۇي ادام.

1 - جۇرگىزۋشى: ەلەستەر ءسىزدى كورسەم بالا شاعىم،
جۇرسەم دە كەلتىرىپ مەن، دالا ءسانىن.
كەتسەم دە وزگەلەردەن وزىپ بيىك،
ءارقاشان الدىڭىزدا الاسامىن! – دەپ قۇرمەتتى ارداگەر ۇستازدار، سىزدەرگە زور دەنساۋلىق، ۇزاق عۇمىر تىلەي وتىرىپ كەلەسى ءانىمىزدى جولدايمىز. «ۇستازىم» ءانى.ورىندايتىندار: ازامات پەن گۇلنۇر قابىل الىڭىزدار!
2 – جۇرگىزۋشى:دارىندىققا، دانالىققا ۇيرەتكەن،
ۇستاز ءسىزدىڭ پەيىلىڭىز قانداي كەڭ.
سەزىمىڭنەن سەنىڭ اسىل جەل ەسكەن،
ۇستازدارعا باس يەمىز قۇرمەتپەن – دەي كەلە بۇگىنگى مەرەكەلىك جيىنىمىزدا تۇساۋىن كەسكەلى وتىرعان مەكتەبىمىزدەگى ماتەماتيكا ءپانىنىڭ ءمۇعالىمى نۇرىمبەتوۆا ىڭكار اپايىمىزعا ارناپ، قۋاندىق ايدانىڭ ءانىن قابىل الىڭىزدار!

1 - جۇرگىزۋشى: ۇلگى الىپ سىزدەن شاكىرتتەر،
«انا» بوپ بىزگە كەتتىڭىز.
العىسى شەكسىز تۇلەكتىڭ،
باس ءيىپ سىزگە كەلەمىز – دەپ كەزەكتى انگە بەرەمىز.
«قاريالار ازايىپ بارا جاتىر» ورىندايتىن مىقتىباي ب.
2 – جۇرگىزۋشى: ءمۇعالىم عازيز ءمۇعالىم،
سارقىلماس ماڭگى بۇلاعىم.
ۇلانىڭ بۇگىن تويىڭدا،
ارنايى ساعان بۇل ءانىن.
ءان «ۇستازىم» ورىندايتىن كادىرباي پەريزات

1 - جۇرگىزۋشى: ونەر سىرىن باعالايتىن ورەنبىز،
ءتاتتى ويعا باتىرادى جالىن ءجۇز.
ءبيشى – كۇيشى اپاسىنداي بولام دەپ،
ەلىكتەيدى مىڭ بۇرالعان ءبيشى قىز
كەزەكتە «قارا جورعا» ءبيى
2 – جۇرگىزۋشى: ەڭبەگىنىڭ جەمىسى ەلدەن بولەك،
وسىرەتىن سان مىڭدى تاربيەلەپ.
قاسيەتتى قۇرمەتتى ۇستاز اتاق،
قاينار قۋات حالقىنا بەرگەن كومەك - كەزەكتى انگە بەرەمىز «اياۋلى ۇستازىم» ءانى ورىندايتىن مۋسا زارينا

1 - جۇرگىزۋشى: مىنەزى مايدا، ءارى كەڭ،
سوزدەرى تەرەڭ مانىمەن.
باستاۋىن العان ارىدەن،
ۇستازىم قىمبات بارىنەن – دەپ كەلەسى كەزەكتى بيگە بەرەمىز. «قازاق» ءبيى،ورىندايتىن مىقتىباي ب.
2 - جۇرگىزۋشى: جارقىلداپ مەرەكەدە ماقسات اعاي،
گۇلدەي بوپ كوزىمىزگە باسىلارداي.
كۇتەمىز وزىڭىزدەن اق تىلەكتى،
ويىمىزعا نۇر بولىپ قوسىلارداي – دەپ قۇتتىقتاۋ ءسوز كەزەگىن ارداگەر ۇستازىمىز ماقسات اعايعا بەرەمىز.
1 - جۇرگىزۋشى: ءمۇعالىم ۇستازىسىڭ بالالاردىڭ،
بولاشاق عالىمداردىڭ، دانالاردىڭ.
ومىردە سەنىڭ الار ورىنىڭدى،
ءبىرى دە جەتكىزە الماس باعالاردىڭ – دەپ بۇگىنگى ۇستازدار مەرەكەسىنە ارنالعان مەرەكەلىك كەشىمىزدى جابىق دەپ جاريالايمىز.