ءانشى مەرۋەرت تۇسىپباەۆا پارلامەنتتە ونەر ادامدارى مەن بلوگەرلەردىڭ بولۋىنا قارسى شىعىپ، دەپۋتاتتىق ورىنداردى كاسىبي ماماندار يەلەنۋى كەرەك دەپ مالىمدەدى، دەپ حابارلايدى infohub.kz.
ونىڭ ايتۋىنشا، زاڭ شىعارۋشى ورگاندا اتا زاڭنىڭ ءار تارماعىن زەرتتەي الاتىن قارجىگەرلەر، ەكونوميستەر جانە زاڭگەرلەر وتىرۋى قاجەت. ول پارلامەنتتە ونەر ادامدارى، سپورتشىلار جانە كەيبىر بلوگەرلەردىڭ نە ءۇشىن وتىرعانىن تۇسىنبەيتىنىن ايتتى.
«پارلامەنتتە ءانشى، ءبيشى، كۇيشى، سپورتشى، بلوگەر-شموگەرلەر وتىرماۋى كەرەك. اتا زاڭنىڭ ءار تارماعىن زەرتتەي الاتىن قارجىگەرلەر، ەكونوميستەر مەن زاڭگەرلەر وتىرۋى قاجەت. ونەر ادامدارى ول جەردە نە ءۇشىن وتىر، نەگە كەلدى دەپ ويلايمىن. ويتكەنى مەن ونەر ادامدارىنىڭ، سپورتشىلاردىڭ جانە كەيبىر بلوگەرلەردىڭ IQ دەڭگەيلەرىن بىلەمىن. IQ-ى تومەن ەكەنىن تۇسىنەمىن، سەزەمىن. ءبىر اۋىز ءسوزدى قۇراپ ايتا المايتىندار سول جەردە نە ىستەپ وتىرمىن دەپ ويلايدى ەكەن؟» — دەدى مەرۋەرت تۇسىپباەۆا جۋرناليست اينۇر اسانبەردىگە بەرگەن سۇحباتىندا.