اتاقتى فۋتبولشى ليونەل مەسسي ارگەنتيناعا كەلىپ، ۇزاققا سوزىلعان اۋرۋدان كەيىن 68 جاسىندا قايتىس بولعان اكەسى حورحە مەسسيمەن قوشتاسۋ راسىمىنە قاتىستى، دەپ حابارلايدى infohub.kz سايتى.
ارگەنتينالىق Clarín پورتالىنىڭ حابارلاۋىنشا، راسىمنەن كەيىن مەسسي وتباسىمەن بىرگە قاۋىپسىزدىك شارالارى كۇشەيتىلگەن زيرات اۋماعىنان شىققان. فۋتبولشى جاقىندارىمەن بىرگە راسىمگە كەلگەن جەكە ۇشاق جولاۋشىلارسىز ماياميگە قايتىپ ۇشقان.
مەسسيدىڭ ارگەنتينادا قانشا ۋاقىت بولاتىنى ازىرگە بەلگىسىز. الايدا باسىلىمنىڭ مالىمەتىنشە، فۋتبولشى اكەسىمەن قوشتاسۋ كەزىندە وتباسىنىڭ جەكە ومىرىنە قول سۇعىلعان دەپ ساناپ، ارگەنتينالىق بۇقارالىق اقپارات قۇرالدارىنا قاتىستى زاڭدى شارالار قولدانۋدى جوسپارلاپ وتىر.
ارگەنتينالىق جۋرناليست فران كاسارەتتو: «مەسسي حورحە مەسسيمەن قوشتاسۋ كەزىندە وتباسىنىڭ جەكە ومىرىنە قول سۇققان ارگەنتينالىق باق-قا قارسى زاڭدى ارەكەت جاسايتىنىن راستادى»، — دەپ مالىمدەدى.