نيۋ-يوركتەگى مەتروپوليتەن ونەر مۇراجايى (The Met) 2027 جىلعى Met Gala كەشىنە ارنالعان دجون گاليانونىڭ شىعارماشىلىعىنا نەگىزدەلگەن كورمەنى وتكىزۋدەن باس تارتتى. بۇل تۋرالى مۇراجاي مەن سانگەر بىرلەسكەن مالىمدەمەدە حابارلادى، دەپ جازادى infohub.kz.
گاليانو بىرنەشە جىل بويى الەمدىك ءسان يندۋسترياسىنىڭ كوشباسشىسى بولعان ەدى. الايدا 2010-2011 جىلدارى ونىڭ انتيسەميتتىك جانە ناسىلشىلدىك پىكىرلەرى الەۋمەتتىك جەلىدە تاراپ، فرانسياداعى سوت پروسەسىنە اكەلىپ سوقتى. ناتيجەسىندە سانگەر انتيسەميتيزم بويىنشا ايىپتالدى.
گاليانو مالىمدەمەسىندە: «كوپ ويلانىپ، The Met جانە بارلىق تاراپتارمەن كەڭەسكەننەن كەيىن، مەن ۇلكەن وكىنىشپەن كورمەنى قازىرگى ۋاقىتتا وتكىزبەۋ دۇرىس دەپ شەشتىم. مەن وتكەندەگى سوزدەرىمنەن كەلتىرگەن زارداپ ءۇشىن، اسىرەسە ەۆرەي جانە ازيالىق قاۋىمداستىقتارعا تيگىزگەن زيانىم ءۇشىن تولىق جاۋاپكەرشىلىكتى مويىندايمىن جانە بۇل ءۇشىن تەرەڭ وكىنەمىن»، — دەدى.
مۇراجاي 2027 جىلعى Met Gala-عا ارنالعان جاڭا كورمەنىڭ جوسپارى كەيىنىرەك جاريالاناتىنىن مالىمدەدى.