Meta كومپانياسى يي-كومەكشىمەن بايلانىسۋعا ارنالعان Muse Charm اتتى ءپورتاتيۆتى قۇرىلعىنى تانىستىردى. گادجەت جەلتوقسان مەرەكەلەرىنە دەيىن ساتىلىمعا شىعادى، دەپ حابارلايدى infohub.kz سايتى.
Meta جاساندى ينتەللەكتىسى بار جەكە قۇرىلعىلار جارىسىنا قوسىلىپ، Muse Charm دەگەن شاعىن گادجەتتى كورسەتتى. جاڭالىقتى باس ديرەكتور مارك سۋكەربەرگ جىل سايىنعى Connect ءىس-شاراسىندا جاريالادى. قۇرىلعى پايدالانۋشىلارعا جاقىندا ىسكە قوسىلعان Muse جەكە يي-اگەنتىنە ۇنەمى قول جەتكىزۋگە مۇمكىندىك بەرمەك.
الاقانداي گادجەتتى قالتادا الىپ جۇرۋگە نەمەسە كىلت ىلگىشى رەتىندە پايدالانۋعا بولادى. قۇرىلعىنىڭ ىشىندە كومپانيا ىشىندە Jolly دەپ اتالاتىن كومەكشىنىڭ سيفرلىق اۆاتارى «تۇرادى». ىلگىشتىڭ شاعىن ەكرانىندا كەيىپكەردىڭ انيماسياسى كورسەتىلەدى، ال قارىم-قاتىناس داۋىس كوماندالارى ارقىلى جۇرەدى. جۇمىستى باستاۋ ءۇشىن پايدالانۋشىعا كورپۋستىڭ بۇرىشىنداعى ساۋساق ءىزىن سكانەرلەۋگە قولىن تيگىزۋ جەتكىلىكتى — بۇل سمارتفوندى ق ۇلىپتان شىعارماي-اق نەمەسە قوسىمشالاردى ىسكە قوسپاي-اق نەيروجەلىمەن بايلانىسۋعا مۇمكىندىك بەرەدى.
مارك سۋكەربەرگ ينجەنەرلەر Muse جۇيەسىنىڭ بارلىعىن، سونىڭ ىشىندە داۋىس قوزعالتقىشى مەن ۆيزۋالدى اۆاتاردى، شاعىن كورپۋسقا سىيعىزا العانىن اتاپ ءوتتى. ونىڭ ايتۋىنشا، سمارت كوزىلدىرىك تاقپايتىن ادامدار ءۇشىن بۇل تۇمار كومەكشىمەن بايلانىسىپ، وعان اينالاداعى جاعدايدى كورسەتۋدىڭ ەڭ جىلدام تاسىلىنە اينالادى. قۇرىلعى تانىمال تاماگوچي ۆيرتۋالدى ءۇي جانۋارلارىنىڭ ستيلىندە جاسالعان جانە كومپانيا سەرۆيستەرىمەن ۇنەمى بەلسەندى بايلانىسقا باعىتتالعان جەڭىل گادجەت.
قازىرگى تاڭدا كومپانيا ينجەنەرلەرى قۇرىلعىنىڭ ىشكى بولشەكتەرىنىڭ ورنالاسۋىن اياقتاپ جاتىر. Meta باسشىلىعىنىڭ مالىمدەۋىنشە، Muse Charm 2026 جىلدىڭ جەلتوقسانىندا، قىسقى مەرەكەلەر قارساڭىندا جەتكىزۋگە تولىق دايىن بولادى.