مەيىرىمدىلىك – اسىل قاسيەت

تاقىرىبى: مەيىرىمدىلىك – اسىل قاسيەت
ماقساتى: ادامنىڭ بويىنداعى ۇنامدى – ۇنامسىز قاسيەتتەردى ايتا وتىرىپ، وقۋشىلاردى ادامگەرشىلىك، كىشىپەيىلدىلىك، تازالىق، دوستىق، ار - ۇيات، ادەپتىلىك، مەيىرىمدىلىك سياقتى ادام بويىنداعى اسىل قاسيەتتەردى باعالاي بىلۋگە تاربيەلەۋ.
كورنەكىلىگى: سۋرەتتەر، سلايدتار، ناقىل سوزدەر
بارىسى: 1. جۇرگىزۋشى: قۇرمەتتى ۇستازدار مەن وقۋشىلار!
2. جۇرگىزۋشى:
بۇگىنگى باستاۋىش سىنىپ وقۋشىلارىنىڭ « مەيىرىمدىلىك – اسىل قاسيەت»اتتى ەرتەڭگىلىگىمىزگە قوش كەلدىڭىزدەر!
1. جۇرگىزۋشى:
جاقسى بولۋ وزىڭنەن
جامان بولۋ وزىڭنەن،
ءوزىڭدى ءوزىڭ ايا دا،
وزىڭنەن ۇيرەن، وزىڭنەن.
جاقسىلىق كورسەڭ بىرەۋدەن،
«مەن قاندايمىن؟» - دەپ ويلا.
2. جۇرگىزۋشى:
جاماندىق كورسەڭ بىرەۋدەن،
«مەن قاندايمىن؟» - دەپ ويلا.
ءوزىڭدى ءوزىڭ قولىڭا ال،
ءوزىڭسىڭ اقىل ايناسى.
تيەدى ساعان ءمانى بار،
«ءوزىڭدى تانۋ» پايداسى.
1. جۇرگىزۋشى:
تابيعاتتاعى بارلىق جىلۋ – كۇننەن،
ومىردەگى بارلىق جىلۋ – ادامنان.
2. جۇرگىزۋشى:
ەندەشە، ادامدار ءبىر - بىرىنە جىلى سەزىمىن ءبىلدىرىپ، تەك جاقسىلىق ويلاۋ، يگىلىك جاساۋ ارقىلى مەيىرىمدىلىك تانىتا الادى.
1. جۇرگىزۋشى:
قايىرىمدى جاندار اينالا،
شەڭبەرگە كەلسىن جايلانا.

1 - 2 - سىنىپ
شاتتىق شەڭبەر قۇرىپ، ءبىر - بىرلەرىنە تىلەكتەرىن ايتادى.
ادەبي – مۋزىكالىق مونتاج.

1. وقۋشى.
جاقسى ادام كوڭىلى كۇن –
جانعا ساۋلە تۇسىرگەن.
ناشار ادام كوڭىلى ءتۇن –
كەۋدەدەن وتتى وشىرگەن.

2. وقۋشى
تالپىن جاقسى بولۋعا،
كۇندەي ساۋلە شاشاتىن،
ءبىلىم ىزدەپ ونەر تاپ،
ءتۇندى كۇندەي اشاتىن.

3. وقۋشى
ايتقان ءتىلدى الامىن،
ايتقان جەرگە بارامىن.
مەن ادەپتى، مەن ادەپتى بالامىن.
4. وقۋشى
تولعان ايداي جان بولساڭ،
تولسىن اقىل ىشىڭە.
كۇن كوزىندەي جان بولساڭ،
ەل ءسۇيسىنسىڭ ىسىڭە.

5. وقۋشى
سىيلاستىقتى ىزدەگەن،
ادەپ ساقتار ىزگى ورەن.
سىپايىلىق بەلگىسى –
ۇلكەندەرگە «ءسىز» دەگەن.
ءان: ءبىز باقىتتى بالدىرعان
كورىنىس: «جاي عانا اجەي»

ءان: مەن ادەپتى بالامىن
كورىنىس: «بەيتانىس بالا»

ءان. بولايىقشى وسىنداي
كورىنىس: « جۇرەك، قايرات، اقىل جانە عالىم»

2. قورىتىندى.
«مەيىرىمدىلىك» ۇعىمىنا جاتاتىن قاسيەتتەردى توپتاستىرايىق.