رەسەيدە ەڭبەك ميگرانتتارى مەن ۇزاق مەرزىمگە كەلەتىندەرگە ۇيالى تەلەفون ساتىپ الۋدى مىندەتتەۋ ەنگىزۋ جوسپارلانۋدا، دەپ حابارلايدى infohub.kz سايتى.
بۇل تۋرالى فەدەراسيا كەڭەسىنىڭ حالىقارالىق ىستەر كوميتەتىنىڭ وتىرىسىندا رەسەي ىشكى ىستەر ءمينيسترىنىڭ ورىنباسارى — مەملەكەتتىك حاتشى يگور زۋبوۆ مالىمدەدى.
«ءاربىر ميگرانت تىركەۋ كەزىندە، اسىرەسە ەڭبەك ميگرانتى نەمەسە ۇزاق ۋاقىتقا كەلەتىن بولسا، تەلەفون ساتىپ الۋعا مىندەتتى بولادى. بۇل تەلەفوندا ونىڭ ەلەكتروندىق ءپروفيلى بولادى. سوندا ءبىز ءاربىر ميگرانتتىڭ قاي جەردە ەكەنىن بىلەتىن بولامىز. ول ءبىر ەلدى مەكەننەن ەكىنشىسىنە باقىلاۋسىز كوشىپ، تۇرعان جەرىن وزگەرتە المايدى. بۇل نەگىز بولادى»، — دەپ اتاپ ءوتتى زۋبوۆ.
شەنەۋنىكتىڭ ايتۋىنشا، تەلەفون قۇجاتتاردىڭ مەرزىمىنىڭ اياقتالۋى نەمەسە بەلگىلى ءبىر جەرگە شاقىرۋ تۋرالى حابارلاما جىبەرۋگە مۇمكىندىك بەرەدى.