اعىلشىن پرەمەر-ليگاسىنىڭ چەمپيونى «ارسەنالدىڭ» باس باپكەرى ميكەل ارتەتا كلۋبپەن جاڭارتىلعان كەلىسىمشارتقا كەلىستى، دەپ حابارلايدى infohub.kz سايتى.
يسپانيالىق ماماننىڭ قازىرگى شارتى وسى ماۋسىمنىڭ سوڭىندا بىتەدى. الايدا جاڭا كەلىسىمشارت جونىندەگى كەلىسسوزدەر بىرنەشە ايدان بەرى ءجۇرىپ كەلە جاتقان.
بي-بي-سي سپورت اگەنتتىگى وسى ايدىڭ باسىندا تاراپتار كەلىسىمگە تاياپ قالعانىن حابارلاعان ەدى. ءقازىر ارتەتانىڭ «ارسەنالداعى» قىزمەتىن ۇزارتۋ تۋرالى تۇپكىلىكتى كەلىسىمگە قول جەتكىزگەنى بەلگىلى بولدى.
جاڭا كەلىسىمشارتتىڭ مەرزىمى ازىرگە رەسمي تۇردە راستالعان جوق. دەگەنمەن ول 2019 جىلدىڭ جەلتوقسانىندا كلۋبقا كەلگەننەن بەرى ارتەتانىڭ «ارسەنالداعى» كەمىندە ونىنشى جىلىن قامتيدى دەپ بولجانىپ وتىر.
سونىمەن قاتار جاڭا شارت باپكەردىڭ قازىرگى جىلدىق 10 ميلليون فۋنت ستەرلينگتىك جالاقىسىن ايتارلىقتاي ارتتىرىپ، وعان قوسا 5 ميلليون فۋنت كولەمىندەگى بونۋستى دا قاراستىرادى.
كەلىسىمشارت تۋرالى كەلىسسوزدەر جونىندە سويلەگەن ارتەتا وتكەن اپتادا بىلاي دەگەن بولاتىن: «جانكۇيەرلەرگە بۇعان قاتىستى ەشقانداي الاڭداۋشىلىقتىڭ قاجەتى جوق، ويتكەنى مەن وسىندا بولعىم كەلەدى. مەن وتە باقىتتىمىن جانە وزىممەن بىرگە جۇمىس ىستەيتىن ادامدارمەن قىزمەتتەسۋگە شىن جۇرەكتەن ريزامىن».